Edwein 27:1 - AHYERƐLƐ KRONGRON

¹ AWURADE te me kanea ne me ngoalelɛ, nwa yeɛ mesuro ye ɔ? AWURADE te me ngoa ye anwoserɛ afealeɛ, nwa nwo suronyi yeɛ ɔkɔtɔ me so ɔ?

Edwein 27:1 Iomraidhean Croise

YOB NWOMAA NE 29:3

Mmerɛ bɔ né ye kanea ta wɔ me ti so, bɔ né mefa ye kanea menate awosii nu ne;

Edwein 11:1

AWURADE nu yeɛ me wora wura ɔ. Ɔyɛ sɛɛ bɔ ɛmɔse me kra kyɛ, “Nwati kyɛ anomaa kɔ wɔ bokaa so;

Edwein 118:21

Meda wɔ ase kyɛ abua me, ná ɛte me ngoadefoɛ ɔ.

Edwein 118:6

AWURADE gyi me si, yiti menzuro, nzikyɛ yeɛ sona kɔhora kɔfa kɔyɔ me ɔ?

Edwein 18:28

Wɔ yeɛ ɛsɔ me kanea ɔ, AWURADE me Nyameɛ ɔta ma m’awosii yɛ hyereinn.

Edwein 18:29

Egyina me si maa medi ɛlɔen so ngonim, me Nyameɛ gyina me si maa mehuru mefa fasue so.

Edwein 18:46

AWURADE te ase! Me nyɔbotaen, meye wɔ ayɛ! Me ngoadefoɛ Nyameɛ, mekamvo wɔ!

Edwein 19:14

Ao AWURADE, me nyɔbotaen ne me defoɛ, edwirɛ bɔ ngɔte me noa ngɔhã, ɔne bɔ ngosusu ye nwo wɔ me ti anu ne, maa ɔsɔ wɔ nye.

Edwein 3:8

Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela

Edwein 43:2

Ofikyɛ wɔ yeɛ ɛte Nyameɛ bɔ menwati mebafea wɔ nu ɔ; na nzu ati yeɛ apo me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?

Edwein 62:2

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 62:6

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 2:5

O, Yakob awuro ama, ɛmɔbra ma yɛnate AWURADE kanea ne anu!

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yeremia 20:11

Nakoso AWURADE gyi me si kyɛ koɛhonɛniɛ bɔ ye nwo yɛ suro ɔ. Yiti bɛ bɔ bɛtane me nye ne, bekosoti, na bengoli ngonim. Bɛ nyunu kogua ase paa, ofikyɛ ongoyie bɛ yé. Na b’animguaseɛ afebɔɔ ne, mmenia wora ngofi ye le.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Luka 2:30

ɔnate kyɛ me nye anwu wɔ ngoalelɛ

Luka 3:6

Na anwoɔnaen amukoraa konwu Nyameɛ ngoalelɛ ne.”

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

2 Korintofoɛ 12:9

Nakoso obuale me kyɛ, “M’adom ne ala sone ma wɔ, ofikyɛ sona mmerɛyɛlɛ nu yeɛ me tumi ne ye ye nwo ali paa paa ɔ.” Yiti ngɔfa anika piri paa ngɔhoahoa me nwo wɔ me mmerɛyɛlɛ nu, amaa Kristo tumi ne wawura me nu.

Deuteronomi 7:18

Nakoso nnɛsuro bɛ, na mmom kaye bɔ AWURADE wɔ Nyameɛ fa yɔle Faro ne Misraim amukoraati ne,

Deuteronomi 7:21

Nnɛma bɛ nwo suronyi tɔ wɔ so, ofikyɛ AWURADE wɔ Nyameɛ bɔ ogyi wɔ si ne, ɔte Nyameɛ bɔ ɔte piri, bɔ ye nwo yɛ suro ɔ.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Hebrifoɛ 13:6

Yiti yɛkora yɛsi y’ahone yɛkã kyɛ, “Awurade te me bokafoɛ, mengosuro nikye fee. Kuro sona kɔhora kɔyɔ me nzu?”

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Nyekyire 7:10

Na bɛteane nu serɛserɛ kyɛ, “Ngoalelɛ te yɛ Nyameɛ bɔ ɔte ahennie bia ne aso ne ɔne Boaen Ba ne deɛ!”