Edwein 26:8 - AHYERƐLƐ KRONGRON

⁸ Ao AWURADE, awuro bɔ ɛte nu ne, ɔla m’ahone nwo, nekaa bɔ w’animnyam te ne.

Edwein 26:8 Iomraidhean Croise

2 Samuel 15:25

Na Nana Dawide sele Sadoke kyɛ, “Fa Nyameɛ alaka ne sa kɔ kuro ne anu. Sɛ ebiaa AWURADE nwu me anwumvoin a, ɔkɔmaa ngosa ngɔwa ngoonwu alaka ne, ɔne nekaa bɔ ogyi ɔ.

1 Aberɛso Dwirɛ 29:3

Sɔ nningyein nemɔ bɔ mapena magua berɛ kyɛ bɛfa besi awuro krongron ne, ɛhe asi ye, mabɔ me bɔbɔ me sikaa kɔkorɛ ne ɛdwetɛ fotoɛ mato berɛ. Na ɔnate kyɛ m’ahone la me Nyameɛ awuro ne anwo ne ati, mefa mekyɛ, kyɛ bɛfa besi me Nyameɛ awuro ne.

2 Aberɛso Dwirɛ 5:14

Na ɔnate munungum ne ati, asɔfo nemɔ bangora bandoa so banyɔ ɛsɔnenɛ adwuma ne; ofikyɛ AWURADE animnyam yili Nyameɛ awuro berɛ tɛkyɛ.

2 Aberɛso Dwirɛ 7:1

Nana Solomon bɔle ye mbaeɛ ne yiele nen, see fili nyameɛso ɔɔyerale naen yeralɛ afɔleɛ ne ɔne afɔleɛ nemɔ. Na AWURADE animnyam yili asɔneyɛɛ sua ne anu tɛkyɛ.

2 Aberɛso Dwirɛ 7:2

Asɔfo nemɔ, bangora AWURADE awuro berɛ wura, ofikyɛ AWURADE animnyam yili AWURADE awuro berɛ tɛkyɛ.

Edwein 122:9

Ɔnate AWURADE yɛ Nyameɛ ye awuro ne ati, ngɔpena wɔ yeeyɛlɛ.

Edwein 42:4

Mekaye sɔ dwirɛ hemɔ a, né me kra wora abɔ: kyɛbɔ me ne ɛlɔen ne yɛhɔle, ɛlɔen kandinga bɔ bedi aluolue ne, bɔ nne esebɔlɛ ne asennaa dwein, nnili folii ne nyunu ngɔle Nyameɛ awuro ne.

Edwein 84:10

Ofikyɛ ɛlɛhomapɛ bɔ ngoli ye wɔ w’aluo berɛ ne, ɔte paa tra ngyẽa apee bɔ ngoli ye nekaa bie ɔ. Mekuro kyɛ ngɔyɛ me Nyameɛ awuro berɛ anoa wɛmvoɛ tra kyɛ ngɔtena bɔnefoɛ ɛtena sua nu ɔ.

Yesaya 38:20

AWURADE kole me ngoa, na yɛkɔbɔ sangoo yɛkɔto dwein mmerɛ biala bɔ yɛte ase ɔ wɔ AWURADE awuro.

Yesaya 38:22

Né Hesekia abisa kyɛ, “Nzikyɛ sɛngyerɛnneɛ yeɛ okyire kyɛ ngɔhɔ AWURADE awuro ne anu ɔ?”

Hesekiel 3:12

Yeɛ Sunzum ne mane me so, na ndele komviɛ bie bɔ ɔma aseɛ woso ɔ wɔ me si dɔ kyɛ, “Asennaa te AWURADE animnyam ne deɛ wɔ ye atenaleɛ berɛ!”

Luka 2:46

Na ɔwale kyɛ, ye ɛlɛsa ne aso, beenwuni ye wɔ asɔneyɛɛ sua ne anu kyɛ ɔte akyerɛkyerɛfoɛ mɔ b’afia, bɔ ótie bɛ ná óbisabisa bɛ dwirɛ ɔ.

Luka 2:49

Na obuale bɛ kyɛ, “Nzu ati yeɛ ɛmɔpena me ɔ? Aso ɛmɔnze kyɛ ɔsɛ kyɛ metena me Baba awuro anaa?”