Edwein 25:3 - AHYERƐLƐ KRONGRON

³ Nahorɛ nu, bɛ bɔ bɛ nye la wɔ so ne, nnɛma bɛ nyunu gua ase; bɛ bɔ bɛnate ngondombo atee so bɛye bɛ biɛngo bɛma ne, ma bɛ nyunu gua ase.

Edwein 25:3 Iomraidhean Croise

Gyenesise 49:13

Sebulɔn kɔtena mboanoa, ɔkɔyɛ ɛlɛen mɔ agyinaleɛ, na ɔne Sidon bɛkɔbɔ ɛwɛen.

1 Aberɛso Dwirɛ 10:13

Ɔnate Sɔɔlo asoserɛ ti owuli. Wanni nahorɛ wamma AWURADE, ɔnate kyɛ wanni AWURADE dwirɛ so. Afei koso, ɔhɔle nzamangɔmhyɛlɛniɛ berɛ abisa,

Edwein 109:3

Bafa ɛpɔen dwirɛ babɔ me nwo mborɔkaa bayia, na bɛfa ngondii bɛtoa me mbaen.

Edwein 119:78

Ma anwomasoɛfoɛ bɛ nyunu ogua ase, ofikyɛ bafa kanda nworɛ banwo me bo; nakoso me de, ngɔdwenedwene w’ahyɛdeɛ ne anwo.

Edwein 123:2

Amba, kyɛbɔ ngoaa bɛ nye la bɔ bɛ mene ɔfa ma bɛ so, ɔne kyɛbɔ afaneɛ ye nye la bɔ ye mene brasua ɔfa ma ye so ne, sɔ ala yeɛ yɛ nye la AWURADE yɛ Nyameɛ so ɔ, kɔpem kyɛ okonwu yɛ anwumvoin ɔ.

Edwein 132:18

Ngɔfa animguaseɛ ngɔhera ye pɔfoɛ mɔ, nakoso ye de, ye ahennie abotire bɔ ɔbɔ ye ne, ɔkɔta hyireinn.”

Edwein 22:6

Nakoso me de, nde esuronyi, na nnde sona, mmenia sere me, adasa bu me animtia.

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Edwein 31:17

Ao AWURADE, nnɛma me nyunu gua ase, ofikyɛ mesu mefrɛ wɔ. Ma amumuyɛɛfoɛ bɛ nyunu ogua ase, ma bɛ noa omua maa bɛfa bɛhɔ ɛborɔ.

Edwein 31:18

Ma ngondombofoɛ bɛtɔ mumu, bɛ bɔ bɛfa anwomasoɛ ne dwɛɛ bɛkekã edwirɛ tɛɛ betia teneneefoɛ ne.

Edwein 33:20

Yɛ kra nye la AWURADE so; ɔte yɛ bokafoɛ ne y’akokyɛm.

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Edwein 37:34

Ma wɔ nye la AWURADE so, ná nate ye atee so, na ɔkɔpagya wɔ maa aseɛ ne kɔyɛ w’agyapadeɛ; na wɔ nye konwu kyɛbɔ bɔnefoɛ bɛ boso onua ɔ.

Edwein 6:10

Me pɔfoɛ mɔ amukoraa, bɛ nyunu kogua ase, ná ahunundetelɛ atɔ bɛ so paa; bekosa bɛ si, na bɛ nyunu kogua ase mvum nu.

Edwein 62:1

Nyameɛ ngome yeɛ me kra ayɛ konn bɔ ye nye la ye so ɔ, na ye berɛ yeɛ me ngoalelɛ fi ba ɔ.

Edwein 62:5

Me kra, Nyameɛ ngome yeɛ ma wɔ nye ɔla ye so ɔ, na ye berɛ yeɛ m’anyelasoɛ fi ba ɔ.

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Edwein 69:6

Ao AWURADE, Asafo Nyameɛ, bɛ bɔ bɛ wora wura wɔ nu ne, nnɛmaa ɔnate me ti bɛ nyunu gua ase; ao Yisrael Nyameɛ, bɛ bɔ bɛpena wɔ si atee ne, nnɛmaa ɔnate me ti animguaseɛ kã bɛ.

Edwein 71:13

Bɛ bɔ bɛbɔ me kwaadu ne, ma bɛ nyunu gua ase ná bewuwu, bɛ bɔ bɛpena me bepura me ne, ma nyanzoen ne animguaseɛ obia bɛ.

Yesaya 25:9

Na sɔ kyẽa ne, mmenia kose kyɛ, “Ɛ́mɔnea, yɛ Nyameɛ bɔ yɛ nye la ye so kyɛ okole yɛ ne, ye ɛhe! AWURADE bɔ yafa yɛ nye yato ye so ne, ye ɛne. Ɛ́mɔma yɛ nye gye, ná yɛli ahurusi wɔ ye ngoalelɛ ne anu.”

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Yeremia 20:11

Nakoso AWURADE gyi me si kyɛ koɛhonɛniɛ bɔ ye nwo yɛ suro ɔ. Yiti bɛ bɔ bɛtane me nye ne, bekosoti, na bengoli ngonim. Bɛ nyunu kogua ase paa, ofikyɛ ongoyie bɛ yé. Na b’animguaseɛ afebɔɔ ne, mmenia wora ngofi ye le.

Awuye 3:25

AWURADE te paa ma bɛ bɔ bɛ nye la ye ate ɔ, ɔte paa ma ɛkra bɔ ɔpena ye si atee ɔ.

Mika 7:7

Yiti me de, AWURADE yeɛ me nye la ye so ɔ; ngɔfa me wora ngowura me ngoalelɛ Nyameɛ nu; me Nyameɛ kotie me.

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Romanfoɛ 8:25

Na sɛ yɛ nye la bɔ yɛnnwu ye so a, ye de yɛfa aboterɛ yɛwondɛ.