Edwein 24:7 - AHYERƐLƐ KRONGRON

⁷ Ao pambim mɔ, ɛ́mɔma ɛmɔ nwo so! Ɛmɔ, tete anoa mɔ, ɛ́mɔpagya ɛmɔ nwo, ná animnyam Hene ne oowura nu.

Edwein 24:7 Iomraidhean Croise

2 Samuel 6:17

Bɛfale AWURADE alaka ne beesiele nekaa bɔ basiesie bama ye ne, wɔ ɛtena sua bɔ Dawide si siele berɛ mane ye ne anu. Na Dawide bɔle naen yeralɛ afɔleɛ ne asomdwee afɔleɛ wɔ AWURADE nyunu.

1 Ahemvo 8:11

maa ɔnate munungum ne ati asɔfo nemɔ bangora bandoa so banyɔ ɛsɔnenɛ adwuma ne; ofikyɛ AWURADE animnyam yili AWURADE awuro berɛ tɛkyɛ.

1 Ahemvo 8:6

Yeɛ asɔfo nemɔ fale AWURADE apam alaka ne besiele nekaa bɔ ɔsɛ kyɛ ogyina ɔ, wɔ sua ne kunu dɔ paa krongron nu krongron ne anu, wɔ kɛrubim nemɔ bɛ ndaa nemɔ abo.

Edwein 132:8

Ao AWURADE, dwɔso ná kɔ wɔ nekaa bɔ ede wɔ nwome ne, ɛne wɔ tumi alaka ne.

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 21:5

Wɔ ngoalelɛ ti, ye animnyam te piri; na afa anidie ne ahennie alo ye.

Edwein 97:6

Ewienu bɔ ye tenenee nwo dawure, na maen maen amukoraa nwu ye animnyam ne.

Yesaya 26:2

Ɛ́mɔbukye pambim nemɔ bɛ́ma tenenee maen bɔ odi nahorɛ ne oowura nu.

Yesaya 62:10

Ɛ́mɔworo, ɛ́mɔworo pambim nemɔ anu, ɛ́mɔsiesie atee ne bɛ́ma maen ne, ɛ́mɔye atimbire ne, ɛ́mɔye atimbire ne, ɛ́mɔtutu nyɔboɛ ne béfi so, ɛ́mɔfa frangaa bɛ́pena berɛ bɛ́ma maen maen mɔ.

Mika 4:8

Na wɔ, mmoaen kure abandenden, Sion awa brasua anwoserɛ afealeɛ, wɔ berɛ yeɛ tumililɛ bɔ oli moa ne kɔwa ɔ; ahennie ne kɔwa Yerusalem awa brasua berɛ.

Hagae 2:7

ngɔwoso maen maen mukoraa; na maen maen mukoraa b’anwonya kɔwa wa, na ngɔfa animnyam ngoyi awuro he tɛkyɛ, Asafo AWURADE noa dwirɛ ɛne.

Hagae 2:9

Na awuro he, ye nziɛ ye animnyam ne, ɔkɔyɛ piri kɔtra ye daa deɛ ne, Asafo AWURADE noa dwirɛ ɛne; na ɛwa yeɛ ngɔma asomdwee ɔ, Asafo AWURADE noa dwirɛ ɛne.’ ”

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

Yakobo 2:1

Aliɛmaa mɔ bɔ ɛmɔtira y’Awurade Yesu Kristo bɔ ɔte animnyam Hene ne gyidie nu ɔ, nnɛma ɛmɔfa nyeyemuɛ bɛbata ye nwo.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”