Edwein 24:5 - AHYERƐLƐ KRONGRON

⁵ Ye yeɛ okonya AWURADE sa nu saleɛ ɔ, na Nyameɛ bɔ ɔte ye ngoadefoɛ ne, okobua ye be.

Edwein 24:5 Iomraidhean Croise

Edwein 50:23

Sona bɔ ɔfa asennaa ɔbɔ afɔleɛ ma me ne, ɔhyɛ me animnyam; sona bɔ ye atee tengyɛ ne, ngɔmaa okonwu Nyameɛ ngoalelɛ ne.”

Edwein 68:19

Animnyam hã AWURADE bɔ otira yɛ nu daa biala ne; Nyameɛ yeɛ ɔte yɛ ngoadefoɛ ɔ. Sela

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 88:1

Ao AWURADE, me ngoadefoɛ Nyameɛ, mesu wɔ wɔ nyunu eyia ne kɔngɔen.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 45:17

Nakoso Yisrael de, AWURADE fa ngoalelɛ afebɔɔ ode ye. Ɛfɛrelɛ ngɔhã ɛmɔ, yeɛ ɛmɔ nyunu ngogua ase le afebɔɔ.

Yesaya 46:13

Mama me tenenee ne apingye, ɔnne dede koraa, me ngoalelɛ ne, ɔngɔhyɛ né wawa. Ngɔma ngoalelɛ kɔwa Sion, na ngɔma m’animnyam kɔwa Yisrael so.”

Yesaya 51:8

Ofikyɛ mvrɔlɔ koli bɛ kyɛ ɛtena, yeɛ alɔponɛ koli bɛ kyɛ gyese; nakoso me tenenee de, ɔkɔyɛ afebɔɔ, na me ngoalelɛ kɔtena berɛ kɔma aworɛ ndoatoasoɛ amukoraa.”

Yesaya 54:17

Akodeɛ biala bɔ babɔ bafa batia wɔ ne, ɔngɔyɛ adwuma, yeɛ noa biala bɔ okodwɔso kotia wɔ wɔ ndɛenbualɛ nu ne, ɛkɔsa wɔ nwo maa okoli fɔ. AWURADE somvoɛ mɔ, b’agyapadeɛ ne bɛ tenenee bɔ ofi me berɛ hɔ ɛne, AWURADE noa dwirɛ ɛne.”

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Romanfoɛ 3:22

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 3:14

Na ɛhe sili kyɛbɔ Amaenmaensofoɛ kɔfa Kristo Yesu so bekonya Abraham saleɛ ne bie ɔ, amaa yafa gyidie so yanya Sunzum bɔ Nyameɛ fa bɔle anohoba ne.

Galatiafoɛ 3:9

Abraham nyane gyidie, yiti ebiala bɔ ole gyidie ne, bayira ye ne Abraham.

Galatiafoɛ 5:5

Na yɛ de, gyidie yeɛ yɛfa yɛnate Sunzum ne so bɔ yanya tenenee nwo anyelasoɛ ɔ.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Filipifoɛ 3:9

amaa wanwu me wɔ ye nu, kyɛ me de, nnne me bɔbɔ me tenenee bɔ ofi mmeraa ne anu ɔ, na mmom bɔ ɔnate Kristo nu gyidie so ɔba ɔ, tenenee bɔ ofi Nyameɛ berɛ, bɔ ɔnate gyidie so ɔ.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.