Edwein 24:1 - AHYERƐLƐ KRONGRON

¹ Aseɛ ye, ɔne so nningyein amukoraa bɛte AWURADE deɛ; ewiase ne bɔ ɔwɔ nu amukoraa bɛte ye deɛ,

Edwein 24:1 Iomraidhean Croise

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

1 Aberɛso Dwirɛ 29:16

Ao AWURADE yɛ Nyameɛ, nningyein wora bɔ yatu yasie berɛ kyɛ yɛfa yɛsi sua bɔ wɔ dumaa krongron la so ne, ofi wɔ bɔbɔ wɔ dɔ, na ye mukoraa te wɔ bɔbɔ wɔ deɛ.

2 Aberɛso Dwirɛ 25:9

Yeɛ Amasia bisale Nyameɛ sona ne kyɛ, “Na ɛdwetɛ talɛnde ɛyaa ko bɔ mafa mama Yisraelfoɛ koɛhonɛfoɛ ne, yɛyɛ ye sɛ?” Nyameɛ sona ne buale ye kyɛ, “AWURADE kɔhora kɔma wɔ bɔ ɔbo sɔ ɔ.”

YOB NWOMAA NE 34:13

Aso ebie yeɛ ɔfale aseɛ wurale ye sa ɔ? Aso ebie yeɛ ɔhyehyɛle ewiase amukoraa ɔ?

YOB NWOMAA NE 41:11

Nwa yeɛ wali moa wama me nikye, bɔ odi kyɛ meyɔ bie metua ye kerɛ ɔ? Nikyee biala bɔ ɔwɔ ewienu nekaa biala bo ne, ɔte me deɛ.

YOB NWOMAA NE 41:3

Ɔkɔhɔ so kɔpa wɔ kyerɛ anaa, anaakyɛ ɔkɔyɛ ye noa bɛtɛɛ kohyire wɔ?

Edwein 50:10

Ofikyɛ eburo kaka biala te me deɛ, yeɛ mmokaa apee apee so nandwie nemɔ, bɛte me deɛ.

Edwein 50:12

“Sɛ ɛhɔen ku me a, ahaa nna ɛmɔ yeɛ ngosu hɔen ngohyire ɛmɔ ɔ, ofikyɛ wiase ne bɔ ɔwɔ nu amukoraa te me deɛ.

Edwein 89:11

Nyameɛso te wɔ deɛ, yeɛ aseɛ koso te wɔ deɛ; wiase ne nu nningyein amukoraa, wɔ yeɛ ɛbɔle bɛ ɔ.

Edwein 89:12

Wɔ yeɛ ɛbɔle sorɔ ne ngwaen ɔ, Tabɔ ne Hɛmɔn bele anigye bɛye wɔ dumaa ayɛ.

Edwein 98:7

Ɛpo ne nu nningyein amukoraa, ɛ́mɔyɛ dede; ewiase ne bɔ ɔwɔ nu amukoraa, ɛ́mɔyɛ dede!

Ɛksadɔso 19:5

Na afei de, sɛ ɛmɔkoli me dwirɛ so, ná ɛmɔali m’apam ne aso a, ye de, ɛmɔkɔyɛ me bɔbɔ deinn me deɛ wɔ mmenia mukoraati nu, ofikyɛ aseɛ mukoraati te me deɛ.

Ɛksadɔso 9:29

Na Mose sele ye kyɛ, “Sɛ mefi kuro ye anu mefite pɛ a, ngɔtrɛ me sa nu ngɔsrɛ AWURADE, na agralaa ne kɔyakyi, yeɛ asukɔtwea nyɔboɛ ne koso ngɔte ngogua ko, amaa ɔnate so anwu ye kyɛ aseɛ ye te AWURADE deɛ.

Daniel 4:25

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie, na nyameɛso bosue kɔloa wɔ. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Nahum 1:5

Mmokaa nemɔ woso wɔ ye nyunu, na pambaa nemɔ behuro, aseɛ yera wɔ ye nyunu, amba, wiase ne bɔ ɔwɔ nu amukoraa.

1 Korintofoɛ 10:26

Ofikyɛ “Aseɛ ne bɔ ɔwɔ so amukoraa te Awurade deɛ.”

Deuteronomi 10:14

Ɔwɔ nu kyɛ anwuro ne nyameɛso anwuro anwuro, yeɛ aseɛ ne nu nningyein amukoraati te AWURADE wɔ Nyameɛ deɛ de,