Edwein 22:15 - AHYERƐLƐ KRONGRON

¹⁵ Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Edwein 22:15 Iomraidhean Croise

Gyenesise 18:27

Na Abraham buale kyɛ, “Amba, ɔwɔ nu kyɛ nde mvuture ne nzoen de, nakoso ndɛ gyi me gya nu kyɛ me ne AWURADE yɛkodwudwo.

Gyenesise 3:19

Mvifire kosongyi wɔ ti anwo koraka né anya aleɛ ali, kɔpem kyɛ ekosa kɔhɔ nnɛterɛ nu ɔ; ofikyɛ nnɛterɛ nu yeɛ nyele wɔ mvili ɔ, ɛte nnɛterɛ, na nnɛterɛ nu ala yeɛ ekosa kɔhɔ ɔ.”

2 Samuel 14:14

Ewue de, yɛ mukoraa yɛkowu. Yɛte kyɛ nzue bɔ bahwie bagua ase, bɔ bɛsesa a ɔnyɛ yé ɔ. Nyameɛ de, ɔnga mogya ngua, na mmom ebiala bɔ ɔne ye b’afia atete ne, ole nhyehyɛleɛ bɔ ɔnate so osa twe ye bata ye nwo ɔ.

YOB NWOMAA NE 10:9

Kaye kyɛ ɛfale nnɛterɛ yeɛ ɛnwone me ɔ; na ɛkɔmaa ngosa ngɔkakyi nnɛterɛ anaa?

YOB NWOMAA NE 19:20

Me nwo ayeye mmowue mmowue, na mawu mayie, bɔ ewue li me mvanvando ɔ.

YOB NWOMAA NE 29:10

Né ɔyɛ a kuro berɛ mbanyi bɛyɛ konn, na bɛndɛ bɛ noa nu.

YOB NWOMAA NE 30:16

“Afei de, me kra anwati afi me nwo, amaneɛnwunɛ mmerɛ yeɛ matɔ nu ɔ.

YOB NWOMAA NE 34:15

ahaa abɔdeɛ mukoraa bɔ bɛte ase ne, bekowu bɛkɔbɔ nu, na adasa mukoraa bekosa bɛkɔhɔ nnɛterɛ nu.

YOB NWOMAA NE 7:21

Me mmeraatolɛ ne, nzu ati yeɛ ɛmva ngyɛ me ɔ? M’amumuyɛɛ ne, nzu ati yeɛ ɛnyakyi ma ɔnga ɔ? Ɔngɔhyɛ biala, ngɔɔla nnɛterɛ nu, ɛkɔpena me, nakoso né nne berɛ ko.”

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 30:9

“Sɛ mewu a, anaa sɛ mekɔ ɛborɔ kumaa nu a, nzikyɛ mvasoɛ yeɛ ɔwɔ so ɔ? Aso mvuture kɔye wɔ ayɛ anaa? Aso ɔkɔbɔ wɔ nahorɛlilɛ nwo dawure anaa?

Edwein 38:10

M’ahone bɔ palipali, m’anwoserɛ so ate, na me nye so ayɛ me wusiwusi.

Edwein 69:21

Bɛfale ɛborɔ beguale m’aleɛ nu, yeɛ nzuhɔen ku me ne, bɛmane me nzaa kekarekekare kyɛ nno.

Edwein 69:3

Masu dee mayɛ mmerɛ; me komvi ayɛ wosee. Manea me Nyameɛ ate alaa ama me nye ape atee bo.

Anyandera 17:22

Sona nye gye a, ɔte ayire paa, nakoso aworabɔlɛ de, ɔkweekwee mmowue nu.

Yesaya 53:12

Yiti ngɔfa ye kyɛfa ngɔma ye wɔ atitirefoɛ nu, na ɔne anwoserɛfoɛ bɛkɔhyɛ koɛ nu nzesadeɛ ne, ofikyɛ ɔfale ye kra tole berɛ mane ewue, bɛhale ye bɛfrale mmeraatolɛfoɛ; nakoso ɔfale menni pee bɛ bɔne tole ye nwo so, na olili mmeraatolɛfoɛ bɛ ti dwirɛ mane bɛ.

Awuye 4:4

Nzuhɔen ti, adɔma temverema mata ye nnaalɔ. Ngwadaa mɔ bɛsrɛsrɛ aleɛ, nakoso ebiala mma bɛ bie.

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Mateo 27:50

Na Yesu teane nu serɛserɛ bieku, na ɔyakyili ye sunzum nu.

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

1 Korintofoɛ 15:3

Ofikyɛ, edwirɛ bɔ ye nwo hia paa yeɛ nyane ɔ, ná me koso mva mmrɛle ɛmɔ kyɛ, yɛ bɔne ti yeɛ Kristo wuli ɔ, kyɛbɔ Ahyerɛlɛ ne kã ne.