Edwein 22:1 - AHYERƐLƐ KRONGRON

¹ Me Nyameɛ, me Nyameɛ, nzu ati yeɛ apo me ye? Nzu ati yeɛ mepene mepena mmokalɛ, nakoso aye wɔ nye afi me so ye?

Edwein 22:1 Iomraidhean Croise

YOB NWOMAA NE 3:24

Me suɛ akakyi m’aleɛ, yeɛ me penelɛ wayɛ kyɛ nzue bɔ behwie begua ɔ.

Edwein 10:1

Ao AWURADE, nzu ati yeɛ aagyina dedeede sɔa ye? Nzu ati yeɛ amaneɛnwunɛ mmerɛ nu, afa wɔ nwo afea ye?

Edwein 16:1

Ao Nyameɛ, bɔ me nwo waen, ofikyɛ wɔ nu yeɛ menwati mebafea ɔ.

Edwein 22:11

Nnɛyakyi me nu, ofikyɛ edwirɛ pena to me, na nnne bokafoɛ biala.

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Edwein 26:9

Nnɛpra me kra boka bɔnefoɛ so, yeɛ nnɛpra me ngoa fra kodiawufoɛ so,

Edwein 37:28

Ofikyɛ AWURADE kuro ndɛenbualɛ turoloo, na ɔngɔpo ye anwoteefoɛ. Ɔkɔbɔ anwoteefoɛ nwo waen afebɔɔ, nakoso bɔnefoɛ boso ama de, bɛ boso konua.

Edwein 38:8

Me nwo ayɛ me bɛtɛɛ, yeɛ mayɛ hodwoo; mepene, ɔnate aworabɔlɛ bɔ medi ne ati.

Edwein 71:11

Bɛkekã kyɛ, “Nyameɛ apo ye, yiti ɛ́mɔfoa ye bɛhye ye, ofikyɛ ongonya defoɛ biala.”

Yesaya 46:13

Mama me tenenee ne apingye, ɔnne dede koraa, me ngoalelɛ ne, ɔngɔhyɛ né wawa. Ngɔma ngoalelɛ kɔwa Sion, na ngɔma m’animnyam kɔwa Yisrael so.”

Yesaya 59:11

Yɛ mukoraa yɛpo kyɛ kwabrafo, yɛpene kyɛ mmubure, yɛpena pɛpɛɛpɛyɛlɛ, nakoso ebie nne berɛ, yeɛ yɛpena ngoalelɛ, nakoso ɔne yɛ afia atee wale.

Lewitikɔso 2:6

Odi kyɛ ebubu nu mmaa mmaa ná éhwie ngoo gua so; ɔte aburoo afɔleɛ.

Mateo 27:46

Na ɔbɔle kɔyɛ eyia nnɔnmmiɛnza ne, Yesu teane nu serɛserɛ hane kyɛ, “Eli, Eli, lama sabaktani?” Bɔ ye bo kyire kyɛ, “Me Nyameɛ, Me Nyameɛ, nzu ati yeɛ apo me ye?”

Marko 15:34

Na ɔbɔle eyia nnɔnmmiɛnza ne, Yesu teane nu serɛserɛ hane kyɛ, “Eloi, Eloi, lama sabaktani?” Bɔ ye bo kyire kyɛ, “Me Nyameɛ, me Nyameɛ, nzu ati yeɛ apo me ye?”

Luka 22:44

Né Yesu wora abɔ soma, na ɔhɔle so mane ye mbaeɛbɔlɛ nu yɛle se. Na ye nwo mvifire ne yɛle kyɛ mogya bɔ ɔpepe gua ase ɔ.]

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.