Edwein 21:9 - AHYERƐLƐ KRONGRON

⁹ Sɛ ɛye wɔ nwo ali a, ɛkɔmaa bɛkɔyɛ kyɛ foonoo nu see. AWURADE kohũhũ bɛ wɔ ye yaafɛlɛ ne anu, na see kɔyera bɛ.

Edwein 21:9 Iomraidhean Croise

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

Ɛsra 6:12

Na sɛ ɛhene bie anaa maen bie otu sɔ mmeraa ne gua, anaakyɛ ɔsɛkye Nyameɛ awuro he bɔ ɔwɔ Yerusalem ne a, Nyameɛ bɔ wama ye dumaa ala Yerusalem so ne, ótu sɔ hene ne anaa ɔ́bɔ sɔ maen ne. Me, Dario yeɛ mahyɛ sɔ mmeraa ye ɔ, na odi kyɛ bedi so pɛpɛɛpɛ!”

YOB NWOMAA NE 6:3

Ahaa nu nonɛ kɔtra mboanoa anweaa; ye sɔ ati, ɔmaa ngane edwirɛ fumfum.

Edwein 106:17

Aseɛ nu pakyele, na ɔmene Datan, na ɔkatale Abiram kure ne aso siele bɛ.

Edwein 18:38

Mmobɔle bɛ nguale berɛ bɔ bangora dwɔso ko ɔ, na bɛtotɔle beguale me gya bo.

Edwein 18:8

Nwosina fili ye bonyi anu pu wale; see wuronyiwuronyi fili ye noa nu wale, na see bɔ wasɔ gonn fili ye nwo tutu guale.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 2:5

Afei okodwudwo kohyire bɛ wɔ ye ɛyaafɛlɛ nu, ná wafa ye ahonehulɛ ne wama ahunundetelɛ atɔ bɛ so, kyɛ,

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Awuye 2:2

AWURADE asɛkye Yakob atenaleɛ amukoraa, na wannwu bɛ anwumvoin. Ye yaafɛlɛ nu, wadwiri Yuda awa brasua n’anwoserɛ afealeɛ mɔ wagua ase. Wahã bɛ wagua ase, wagua ahennie ne, ɔne nu mbanyi mɔ nwo fiɛ.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 13:42

na bekogyi bɛ bekogua see wuronyiwuronyi nu, nekaa bɔ mmenia kosũ ná banwose bɛ gye ɔ.

Mateo 13:50

ná bagyi bɛ bagua see wuronyiwuronyi nu, na berɛ yeɛ mmenia kosũ ná banwose bɛ gye ɔ.”

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 3:10

Bafa akumaa ne babɔ bakaa ne ndii nu dada. Yiti bakaa biala bɔ onzu mmaa paa ne, bekobu ye, ná bagyi bato see nu.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 20:14

Afei befindini Ewue ne Ɛborɔ beguale see abura ne anu. Ewue bɔ ɔtɔ so nyɔ ɛne.