Edwein 21:5 - AHYERƐLƐ KRONGRON

⁵ Wɔ ngoalelɛ ti, ye animnyam te piri; na afa anidie ne ahennie alo ye.

Edwein 21:5 Iomraidhean Croise

2 Samuel 7:19

Nakoso AWURADE Nyameɛ, bɔ ayɔ ne po, ɔte wɔ nye so nikyee kaaba bie, ofikyɛ asa aha kyɛ ɛkɔma wɔ somvoɛ ne ye boso ama yɛkoli hene mmerɛ tendetende. Ao, AWURADE Nyameɛ, sɔ yeɛ ahyehyɛ ato berɛ ama adasa anaa?

1 Ahemvo 3:14

Na sɛ ɛkɔnate m’atee so, ná ali me ahyɛdeɛ ne me mmeraa dwirɛ so, kyɛbɔ wɔ baba Dawide yɔle ne a, ye de ngɔmaa ekonyi kɔhyɛ.”

1 Aberɛso Dwirɛ 17:27

Yiti mesrɛ wɔ ala, yira wɔ somvoɛ boso ama, ná maa b’ahennie ɔhɔ so otindim wɔ wɔ nyunu afebɔɔ. Ofikyɛ, AWURADE, bɔ ayira ye ne, né ayira ye afebɔɔ.”

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Edwein 133:3

Ɔte kyɛ Hɛmɔn bosue bɔ ɔtɔ gua Sion mmokaa so ɔ. Ofikyɛ berɛ yeɛ AWURADE ahyehyɛ saleɛ, bɔ ɔte ngoa afebɔɔ ɔ.

Edwein 3:3

Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

Edwein 61:7

Maa oli bia afebɔɔ wɔ Nyameɛ nyunu; ma ɔdɔ bɔ onni ngasi ne, ɔne nahorɛlilɛ bɛbɔ ye nwo waen!

Edwein 62:7

Nyameɛ sa nu yeɛ me ngoalelɛ ne m’animnyam wɔ ɔ; Nyameɛ yeɛ ɔte m’afealeɛ ɔ; me nyɔbotaen bɔ ɔma me anwoserɛ ɔ.

Edwein 8:5

Nakoso amaa wahɔ ase kãa bie watra abɔfo mɔ, na afa animnyam ne anidie abɔ ye abotire.

Edwein 96:6

Anidie ne animnyam wɔ ye nyunu, na tumi ne nyemene wɔ ye nekaa krongron berɛ.

Yesaya 63:1

Nwa yeɛ ofi Edom ɔ́ba e, bɔ ye ndaadeɛ nye gonn bɔ ofi Bosra ɔ́ba e? Ye bɔ ɔhera ɛtena nyemenenyemene ɔ, bɔ ole tumi pirikua otiatia ba e? “Me ɔ. Me bɔ mebɔ tenenee nwo dawure ne ɔ, Tuminiɛ bɔ mede ngoa ne ɔ.”

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Yohane 17:22

Na animnyam bɔ ɛfa mane me ne, mafa mama bɛ, amaa ɔnate so bayɛ ko, kyɛbɔ yɛte ko ne.

Yohane 17:5

Afei, O Baba, animnyam bɔ nne ye wɔ berɛ koraka yeɛ ewiase baawa ne, fa hyɛ me animnyam wɔ wɔ bɔbɔ wɔ berɛ.

Hebrifoɛ 8:1

Edwirɛ bɔ yɛkã ne, porɛ bɔ ogyi so paa ɛhe: ɔsɔfo panyi paa sɔaa yeɛ yɛle ye ɔ, na ɔte Tuminiɛ n’ahennie bia ne famaa so wɔ nyameɛso.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.