Edwein 21:3 - AHYERƐLƐ KRONGRON

³ Ofikyɛ ɛfa saleɛ kandinga yia ye, na ɛfa esikaa kɔkorɛ paa abotire bɔ ye.

Edwein 21:3 Iomraidhean Croise

2 Samuel 12:30

Otuli bɛ hene ne abotire fili ye ti so, na bɛfa bewurale Dawide. Né abotire ne anu nonɛ te sikaa kɔkorɛ kilo aburasa ne nna, na né pɔkoaa wura nu. Ɔfale koɛ nu nzesadeɛ pee fili kuro ne anu hɔle.

2 Samuel 2:4

Afei Yuda mmienzua wale bɛɛpopale Dawide ngoo, na bɛfale ye besili Yuda awuro ama so hene wɔ berɛ. Mmerɛ bɔ bɛbɔle Dawide amaneɛ kyɛ Yabese Gileadefoɛ yeɛ besiele Sɔɔlo nen,

2 Samuel 5:3

Mbanyi ne amukoraa wale Nana Dawide berɛ wɔ Hebron. Nana Dawide ne bɛ yɛle apam wɔ AWURADE nyunu wɔ Hebron, na bɛpopale Dawide ngoo bɛfale ye besili Yisrael so hene.

1 Aberɛso Dwirɛ 20:2

Dawide tuli bɛ hene ne abotire fili ye ti so. Né abotire ne anu nonɛ te esikaa kɔkorɛ kilo aburasa ne nna. Né pɔkoaa wura nu, na bɛfa bewurale Dawide. Osa fale koɛ nu nzesadeɛ pee fili kuro ne anu hɔle.

2 Aberɛso Dwirɛ 6:41

“Ao AWURADE Nyameɛ, mesrɛ wɔ, bra baatena nekaa bɔ ekole wɔ nwome ne, ɛne wɔ tumi alaka ne. Ao, AWURADE Nyameɛ, fa ngoalelɛ yɛ ɛtena kata w’asɔfo mɔ nwo, ná wɔ mmenia bɔ bedi nahorɛ bɛma wɔ ne, maa beli ahurusi wɔ wɔ paayɛlɛ nu.

YOB NWOMAA NE 41:11

Nwa yeɛ wali moa wama me nikye, bɔ odi kyɛ meyɔ bie metua ye kerɛ ɔ? Nikyee biala bɔ ɔwɔ ewienu nekaa biala bo ne, ɔte me deɛ.

Edwein 18:18

M’amaneɛnwunɛ mmerɛ nu yeɛ bɛwale me so ɔ, nakoso AWURADE gyinane me si.

Edwein 20:5

Maa yɛfa ahurusililɛ yɛbɔ wɔ ngoalelɛ nwo ese, ná yɛpagya yɛ frangaa wɔ yɛ Nyameɛ dumaa nu. AWURADE ɔ́yɔ w’abisadeɛ amukoraa ɔ́ma wɔ.

Edwein 31:19

Ao, wɔ lolɛ bɔ ahyehyɛ ato berɛ ama bɛ bɔ besuro wɔ ne, ɔyɛ nwanwa soma! Bɛ bɔ bɛnwati bɛbafea wɔ nu ne, ye yeɛ ɛfa bɔ bɛ nwo waen bɔ adasa bɛ nye tua ɔ!

Edwein 59:10

Ɔnate me Nyameɛ ɔdɔ bɔ onni ngasi ne ati, ɔkɔɔboka me; me Nyameɛ koli me pɔfoɛ mɔ so ngonim maa ngonwu ye.

Romanfoɛ 11:35

Anaakyɛ nwa yeɛ wali moa wahyɛ ye nikye, bɔ ɔsɛ kyɛ ɔyɔ bie tua ye kerɛ ɔ?”

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.

Nyekyire 19:12

Ye nye mmaa te kyɛ see bɔ ogye ɔ, na ahennie abotire pee bobɔ ye ti; na né ole dumaa bie bɔ bahyerɛ bɔ ebiala nze ɔ, sana ye bɔbɔ.

1 Samuel 16:13

Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.