Edwein 20:8 - AHYERƐLƐ KRONGRON

⁸ Bɛ de, besoti befifi ase, nakoso yɛ de, yɛdwɔso yɛgyina berɛ kyirebeinn.

Edwein 20:8 Iomraidhean Croise

2 Ahemvo 19:23

Ɛnate wɔ bɔfoɛ mɔ so agoro AWURADE nwo, na ahã kyɛ, Mafa me teaseɛnam pee nemɔ, mafo mahɔ mmokaa nemɔ ti afia, mahɔ Lebanon ɛhɔayeɛ ne anu dɔ paa. Ye sida ndendenn nemɔ, ɔne ye ɛframmire nyemenenyemene nemɔ, mabubu bɛ magua. Mahɔ bokaa ne ti afia dɔ paa, ɔne so ɛhɔayeɛ too ne anu.

2 Aberɛso Dwirɛ 14:10

Asa fale koɛ ooyiale ye, na bɛfale koɛ ne bɛtetale so wɔ Sefata bɔnza ne anu wɔ Maresa.

2 Aberɛso Dwirɛ 14:11

Asa sũ frɛle AWURADE ye Nyameɛ kyɛ, “Ao AWURADE, ɛkora boka sona bɔ ye nwo yɛ se, yeɛ ɛkora boka bɔ ye nwo nyɛ se koso ɔ. Ao AWURADE yɛ Nyameɛ, boka yɛ, ofikyɛ yafa yɛ nwo yato wɔ so, na wɔ dumaa nu yeɛ yɛfa koɛ yɛkɔtoa ɛlɔen he ɔ. Ao AWURADE, wɔ yeɛ ɛte yɛ Nyameɛ ɔ. Nnɛma dasaniɛ biala di wɔ so ngonim.”

Ɛsra 8:22

Na ɔyɛle me nya kyɛ ngɔsrɛ Nana Atasɛsɛse kyɛ ɔma yɛ koɛhonɛfoɛ ne pɔngɔhanɛfoɛ bɔ bɛkɔbɔ yɛ nwo waen bekofi yɛ pɔfoɛ mɔ sa nu wɔ atunu ɔ, ofikyɛ né yali moa yahã yahyire ye kyɛ, “Sona biala bɔ ɔpena yɛ Nyameɛ si atee ne, Nyameɛ do ye ɔbɔ ye nwo waen. Nakoso ebiala bɔ ɔpo Nyameɛ nen, Nyameɛ tumi ne ye yaafɛlɛ ko tia ye.”

Edwein 124:8

AWURADE bɔ ɔbɔle anwuro ne aseɛ ne, ye dumaa nu yeɛ yɛ mmokalɛ wɔ ɔ.

Edwein 125:1

Bɛ bɔ bɛfa bɛ wora bewura AWURADE nu ne, bɛte kyɛ Sion bokaa bɔ ɔnwoso, ná mmom otimu berɛ daa ne.

Edwein 33:16

Ɛhene biala, nna ye koɛhonɛfoɛ somaa yeɛ bɛkora bɛpepɛ bede ye ɔ; yeɛ koɛhonɛniɛ koso, nna ye anwoserɛ kandinga yeɛ ɔpepɛ de ye ɔ.

Edwein 33:17

Sɛ ɛfa wɔ nye to pɔngɔ so wɔ koɛ nu a, ɔte mbaen; ye anwoserɛ kandinga ne ngɔhora ngɔpepɛ ngole wɔ.

Anyandera 21:31

Besiesie pɔngɔ bɛfa bɛnwondɛ koɛ kyẽa, nakoso ngonimlilɛ de, ɔwɔ AWURADE sa nu.

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Yosua 11:4

Bɛ ne bɛ lɔen ne amukoraati bɛwale, ɛlɔen pembepembe bɔ bɛ somaa te kyɛ mboanoa anweaa ɔ, bɛ ne mbɔngɔ mɔ ne teaseɛnam pee wale.

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.

1 Samuel 17:45

Nakoso Dawide buale Filistiniɛ ne kyɛ, “Wɔ de, ngrandɛ ne pealɛɛ ne buralɛ tendenn tworɔntworɔn yeɛ ɛ́fa ba me so ɔ; nakoso me de, Asafo AWURADE, Yisrael koɛhonɛfoɛ Nyameɛ bɔ apɛ ye poa ne, ye dumaa nu yeɛ méba wɔ so ɔ.