Edwein 20:7 - AHYERƐLƐ KRONGRON

⁷ Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 20:7 Iomraidhean Croise

2 Samuel 10:18

Siriafoɛ nwati fili Yisrael nyunu; na Dawide huhuni bɛ teaseɛnamhanɛfoɛ ɛyaa nzoo ɔne pɔngɔhanɛfoɛ apee aburanna. Na opurale bɛ safohene Sobake maa owuli berɛ.

2 Samuel 8:4

Dawide hyele Hadadesa pɔngɔhanɛfoɛ nemɔ anu apee ko ɛyaa nzoo, ɔne koɛhonɛfoɛ bɔ bɛnate ase ɔ apee aburanyɔ. Mbɔngɔ amukoraa bɔ teaseɛnam sosɔ bɛ ne, Dawide pepɛle bɛ gya si ndii nu, nakoso ɔyakyili mbɔngɔ ne bie bɔ bɛkɔfa teaseɛnam ɛyaa ko bɛkɔsosɔ bɛ ɔ.

2 Aberɛso Dwirɛ 13:16

Yisraelfoɛ nemɔ nwati fili Yudafoɛ nemɔ nyunu, na Nyameɛ fale bɛ wurale Yudafoɛ sa.

2 Aberɛso Dwirɛ 14:11

Asa sũ frɛle AWURADE ye Nyameɛ kyɛ, “Ao AWURADE, ɛkora boka sona bɔ ye nwo yɛ se, yeɛ ɛkora boka bɔ ye nwo nyɛ se koso ɔ. Ao AWURADE yɛ Nyameɛ, boka yɛ, ofikyɛ yafa yɛ nwo yato wɔ so, na wɔ dumaa nu yeɛ yɛfa koɛ yɛkɔtoa ɛlɔen he ɔ. Ao AWURADE, wɔ yeɛ ɛte yɛ Nyameɛ ɔ. Nnɛma dasaniɛ biala di wɔ so ngonim.”

2 Aberɛso Dwirɛ 32:8

Ye de, kuro sona yeɛ ogyi ye si ɔ. Nakoso yɛ de, AWURADE yɛ Nyameɛ yeɛ ogyi yɛ si ɔ, bɔ ɔkɔboka yɛ maa yɛkɔho yɛ koɛ mɔ ɔ.” Edwirɛ bɔ Yuda hene Hesekia hane ne, ɔhyɛle maen ne nguraen.

YOB NWOMAA NE 39:11

Aso ye anwoserɛ ti ɛkɔfa wɔ wora kowura ye nu, anaa ɛkɔyakyi w’adwuma kowura ye sa kyɛ ɔyɔ?

Edwein 28:8

AWURADE yeɛ ɔte ye mmenia b’anwoserɛ ɔ, na ɔte ngoalelɛ afealeɛ ma bɔ wapopa ye ngoo ne.

Edwein 45:17

Ngɔmaa bɛkɔkaye wɔ dumaa wɔ aworɛ ndoatoasoɛ amukoraa nu; yiti maen maen mɔ kɔye wɔ ayɛ afebɔɔ.

Anyandera 21:31

Besiesie pɔngɔ bɛfa bɛnwondɛ koɛ kyẽa, nakoso ngonimlilɛ de, ɔwɔ AWURADE sa nu.

Yesaya 30:16

na mmom ɛmɔhane kyɛ, “Daabi, yɛkɔtena mbɔngɔ so yɛkɔnwati yɛkɔhɔ.” Amba, ɛnwatilɛ ala yeɛ ɛmɔkɔnwati ɔ! (Ɛmɔnwa:) “Mbɔngɔ bɔ bɛ nwo yɛ nyera ɔ yeɛ yɛkɔtena so yɛkɔhɔ ɔ.” Na ɔnate sɔ ati, bɛ bɔ bɛfoa ɛmɔ ne, bɛ nwo kɔyɛ nyera.

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Yeremia 17:5

Bɔ AWURADE kã ɛhe: “Musue to sona bɔ ɔfa ye wora wura sona nu, ná ɔfa ye nwo to sona mmokalɛ so, ná ɔye ye adwene fi AWURADE so ɔ.

1 Samuel 13:5

Filistifoɛ boaboale bɛ nwo kyɛ bɛkwaafa koɛ bɛtoa Yisrael. Bɛfale teaseɛnam apee aburasa, pɔngɔhanɛfoɛ apee nzia, ɔne koɛhonɛfoɛ bɔ bɛ somaa te kyɛ mboanoa anweaa ɔ. Bɛɛkyekyele asikyeleɛ wɔ Mikimase, wɔ Bete Awen eyia afiteleɛ.

1 Samuel 2:10

Okoyie AWURADE pɔfoɛ mɔ pasapasa, Anwuro Anwuro Nyameɛ kɔbɔ nu kurudududu kofi nyameɛso kogua bɛ so, AWURADE kobua aseɛ so amukoraa ndɛen, ɔkɔma ye hene ne anwoserɛ, na ɔkɔma bɔ wapopa ye ngoo ne konya tumi.”