Edwein 20:6 - AHYERƐLƐ KRONGRON

⁶ Afei, manwu kyɛ AWURADE boka ye sona bɔ wapopa ye ngoo ne; otie ye sufrɛ wɔ ye nyameɛso krongron dɔ, na AWURADE ye anwoserɛ asaa famaa ne ɔpepɛ de ye.

Edwein 20:6 Iomraidhean Croise

1 Ahemvo 8:30

Sɛ w’akoaa ne wɔ maen Yisrael bɛfa bɛ nye bekyire sua ye bɛbɔ mbaeɛ a, tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ.

1 Ahemvo 8:43

ye de tie amanvraniɛ ne mbaeɛ wɔ nyameɛso, nekaa bɔ ɛte ne, ná yɔ bɔ ɔkɔfa kɔto wɔ nyunu amukoraati ma ye, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso bekonwu kyɛ wɔ dumaa yeɛ ɔla sua bɔ masi ye aso ɔ.

Edwein 17:7

Wɔ ɔdɔ bɔ onni ngasi ne, ye ye ali kyire me wɔ atee bɔ ɔyɛ nwanwa ɔ so; bɛ bɔ bɛnwati befi bɛ pɔfoɛ mɔ sa nu bɛbafea wɔ berɛ ne, wɔ yeɛ ɛfa wɔ sa famaa ɛpepɛ ede bɛ ɔ.

Edwein 18:35

Afa wɔ ngoalelɛ akokyɛm ne ama me, na wɔ mmokalɛ amaa mayɛ sona titire.

Edwein 18:50

Odi ngonim piri paa ma ye hene ne, ɔye ɔdɔ bɔ onni ngasi ɔ ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 28:8

AWURADE yeɛ ɔte ye mmenia b’anwoserɛ ɔ, na ɔte ngoalelɛ afealeɛ ma bɔ wapopa ye ngoo ne.

Edwein 41:11

Amma me pɔfoɛ wanni me so ngonim; na ɛhe amaa manwu kyɛ ekuro me dwirɛ.

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 58:9

Afei ɛkɔfrɛ, na AWURADE kɔtɛ wɔ so, ekosu kɔfrɛ, na ɔkɔhã kyɛ, Me ɛhe. “Sɛ ɛyakyi kɔnnua bɔ ɛfa to mmenia kɔme, anwunanwuna asaa tengyɛlɛ ne ɛsoentolɛ,

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Mika 4:5

Ofikyɛ amaen maen amukoraa, bɛ nu biala nate wɔ ye nyameɛ dumaa nu, nakoso yɛ de, yɛkɔnate AWURADE yɛ Nyameɛ dumaa nu afebɔɔ.

Mateo 6:9

Yiti sɔaa yeɛ ɛ́mɔbɔ mbaeɛ: ‘Yɛ Baba bɔ ɛwɔ nyameɛso ɔ, Wɔ dumaa nwo te.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 4:10

ye de ɛmɔ amukoraa ne Yisrael maen amukoraa, ɔsɛ kyɛ Nasarɛteniɛ Yesu Kristo bɔ ɛmɔbɔle ye mmeamudua nu, ná Nyameɛ tingyele ye fili awufoɛ nu ne, ye dumaa nu yeɛ wama biaa he bɔ ogyi ɛmɔ nyunu wa ye ye nwo asa ɔ.

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.