Edwein 20:5 - AHYERƐLƐ KRONGRON

⁵ Maa yɛfa ahurusililɛ yɛbɔ wɔ ngoalelɛ nwo ese, ná yɛpagya yɛ frangaa wɔ yɛ Nyameɛ dumaa nu. AWURADE ɔ́yɔ w’abisadeɛ amukoraa ɔ́ma wɔ.

Edwein 20:5 Iomraidhean Croise

Edwein 118:15

Esebɔlɛ ne ngonim dwein bɛgyegye wɔ teneneefoɛ ɛtena sua mɔ nu kyɛ, “AWURADE sa famaa ne di ngonim;

Edwein 13:5

Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 19:4

nakoso bɛ komvi dwu aseɛ ye aso nekaa biala, na bɛ dwirɛ fi aseɛ ti kɔka ye ti. Wasi ɛtena sua wama eyia wɔ nyameɛso,

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 21:3

Ofikyɛ ɛfa saleɛ kandinga yia ye, na ɛfa esikaa kɔkorɛ paa abotire bɔ ye.

Edwein 35:9

Na afei, me kra koli ahurusi wɔ AWURADE nu, ná wama ye nwo asande ye wɔ AWURADE ngoalelɛ nu.

Edwein 60:4

Bɛ bɔ besuro wɔ ne, asi frangaa ama bɛ, kyɛ bɛfa behyire, ɔnate nahorɛ ti. Sela

Edwein 9:14

amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Ɛksadɔso 17:15

Yeɛ Mose sili afɔleɛ bokyea, na ɔtole ye dumaa: AWURADE te me frangaa.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 25:9

Na sɔ kyẽa ne, mmenia kose kyɛ, “Ɛ́mɔnea, yɛ Nyameɛ bɔ yɛ nye la ye so kyɛ okole yɛ ne, ye ɛhe! AWURADE bɔ yafa yɛ nye yato ye so ne, ye ɛne. Ɛ́mɔma yɛ nye gye, ná yɛli ahurusi wɔ ye ngoalelɛ ne anu.”

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Mika 4:5

Ofikyɛ amaen maen amukoraa, bɛ nu biala nate wɔ ye nyameɛ dumaa nu, nakoso yɛ de, yɛkɔnate AWURADE yɛ Nyameɛ dumaa nu afebɔɔ.

Habakuku 3:18

nakoso me de, ngoli ahurusi wɔ AWURADE nu. Ngɔma me nye kɔgye wɔ me ngoadefoɛ Nyameɛ nu.

Luka 1:47

na me sunzum di ahurusi wɔ me Ngoadefoɛ Nyameɛ nu;

1 Samuel 1:17

Yeɛ Eli sele kyɛ, “Fa asomdwee kɔ, na abisadeɛ bɔ afa ato Yisrael Nyameɛ nyunu ne, mesrɛ kyɛ ɔ́yɔ ma wɔ.”

1 Samuel 17:45

Nakoso Dawide buale Filistiniɛ ne kyɛ, “Wɔ de, ngrandɛ ne pealɛɛ ne buralɛ tendenn tworɔntworɔn yeɛ ɛ́fa ba me so ɔ; nakoso me de, Asafo AWURADE, Yisrael koɛhonɛfoɛ Nyameɛ bɔ apɛ ye poa ne, ye dumaa nu yeɛ méba wɔ so ɔ.