Edwein 20:2 - AHYERƐLƐ KRONGRON

² Ɔ́soma mmokalɛ ofi ye nekaa krongron berɛ ɔɔboka wɔ, ná ófi Sion bokaa so oogyina wɔ si.

Edwein 20:2 Iomraidhean Croise

2 Samuel 5:7

Nakoso Dawide lili Sion kuro bɔ ɔte anwoserɛ afealeɛ ne aso ngonim. Na ye ala yeɛ waayɛ Dawide kuro ne.

2 Samuel 6:17

Bɛfale AWURADE alaka ne beesiele nekaa bɔ basiesie bama ye ne, wɔ ɛtena sua bɔ Dawide si siele berɛ mane ye ne anu. Na Dawide bɔle naen yeralɛ afɔleɛ ne asomdwee afɔleɛ wɔ AWURADE nyunu.

1 Ahemvo 6:16

Sua ne akunu dɔ paa, osili pumbu fa yɛle krongron nu krongron ne. Ɔfale sida mane pumbu ne anwo fili aseɛnwo oodwuli abuu ne. Efi pumbu ne anwo bɔ ɛkɔ sua ne bo dɔ paa ne, ɔte agyirɛ aburanyɔ.

Edwein 3:4

Ndeane nu nzu mvrɛle AWURADE, na otiele me sufrɛ fili ye bokaa krongron ne aso. Sela

Edwein 54:3

Ofikyɛ ɛwɔfoɛ mɔ badwɔso batia me, atianuserɛfoɛ bɛpena me beku me; bɛmva Nyameɛ bɛnyɛ huu. Sela

Edwein 73:17

kɔpem kyɛ ngɔle Nyameɛ nekaa krongron berɛ, ná nwuni kyɛbɔ okosi koyie bɛ ɔ.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 14:32

Ɛbɔfoɛ mɔ bɔ befi sɔ maen ne aso ne, nzikyɛ mmuayɛɛ yeɛ bɛkɔfa bɛkɔma bɛ ɔ? Yɛkobua kyɛ, ‘AWURADE akyekye Sion, na ye maen ne anu mmenia bɔ bɛyɛ anwumvo ne, bɛkɔbɔ bɛ nwo adwaa wɔ nu.’