Edwein 2:9 - AHYERƐLƐ KRONGRON

⁹ Ɛkɔfa buralɛ pɔmaa kobubu bɛ, ná anyoko bɛ kyɛ ngukuenwonɛniɛ ye bua.”

Edwein 2:9 Iomraidhean Croise

Edwein 89:23

Ngɔpɛkyɛ ye pɔfoɛ mɔ wɔ ye nyunu, ná mahũhũ bɛ bɔ bekyi ye ɔ.

Yesaya 30:14

Okobubu ye kyɛ ngukuenwonɛniɛ ye bua bɔ babobɔ ye nyokonyoko bɔ ebie nga mma bennya ye bue ne bie bɔ bɛkɔfa bekosuso bokyea nu see ɔ, anaakyɛ bɔ bɛkɔfa bɛkɔsa abura nu nzue ɔ.”

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Yeremia 13:14

Na ngɔkekã bɛ ti ngɔbobɔ nu, seɛ mɔ ne mmaa mɔ po, AWURADE noa dwirɛ ɛne. Mengonwu bɛ anwumvoin, mengɔma bengonya bɛ ti bengodidi nu, yeɛ me kunu ngɔtete me ngɔma bɛ, na mmom ngohũhũ bɛ.’ ”

Yeremia 19:11

ná se bɛ kyɛ, ‘Bɔ Asafo AWURADE kã ɛhe: Kyɛbɔ sona ɔbɔ ngukuenwonɛniɛ ye bua bɔ bɛngora bɛnwo ye yé ko ne, sɔ ala yeɛ ngɔbɔ maen he ne kuro he ɔ. Bekosie mmenia wɔ Tofete alaa kɔpem kyɛ bengonya aseɛ bengosie bɛ ko ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 2:45

Na kyɛbɔ enwuni kyɛ nyɔboɛ bie, bɔ nna sona sa yeɛ ofindini ye ɔ, ɔte ofili bokaa so wale, bɔ obubuli buralɛ ne, kɔɔbere ne, ɛfaa ne, ɛdwetɛ ne ne sikaa kɔkorɛ ne nyokonyoko nen, Nana, sɔ ala yeɛ Nyameɛ piri ne waye bɔ kyẽa bie ɔbaasi ɔ wahyire wɔ ɔ. Laleɛ ne te nahorɛ, na ye bo hyirelɛ ne koso te turoloo.”

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Mateo 21:44

Na ebiala bɔ okofi ase kɔtɔ nyɔboɛ he aso ne, okobubu ye nu ahuronzi ahuronzi; yeɛ sɛ ɔte tɔ ebie so a, okonuku ye nyokonyoko.”]

Nyekyire 12:5

Ɔwole baa bienzua, bɔ ye yeɛ ɔbaafa buralɛ pɔmaa di maen maen amukoraa so ɔ. Na ɔwa ne, behwimini ye bɛhɔle Nyameɛ ne ye ahennie bia ne nwo.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.