Edwein 2:4 - AHYERƐLƐ KRONGRON

⁴ Bɔ ɔte nyameɛso ne, ɔsere; bɛ nwo yɛ AWURADE sere.

Edwein 2:4 Iomraidhean Croise

2 Ahemvo 19:21

Edwirɛ bɔ AWURADE ahã afa ye nwo ɛhe: ‘Sion awa brasua bɔ onnwuni biaa le ne, obu wɔ animtia, yeɛ ɔgoro wɔ nwo; Yerusalem awa brasua ne, ɔsere ɔbɔ wɔ tutue di wɔ si.

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Edwein 115:3

Nahorɛ nu, yɛ Nyameɛ ne ɔwɔ anwuro, na bɔ okuro biala yeɛ ɔyɔ ɔ.

Edwein 123:1

1 Wɔ yeɛ mema me ti so menea wɔ ɔ, ao wɔ bɔ ɛte w’ahennie bia so wɔ nyameɛso ɔ!

Edwein 37:13

Nakoso bɔnefoɛ nwo yɛ AWURADE sere, ofikyɛ ɔse kyɛ ye kyẽa ne wapingye.

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Edwein 59:8

Nakoso AWURADE, wɔ de, ɛsere bɛ, na ɛgoro maen maen amukoraa bɛ nwo.

Edwein 59:9

Ao m’anwoserɛ, me nye la wɔ so, ofikyɛ ao Nyameɛ, wɔ yeɛ ɛte m’anwoserɛ afealeɛ ɔ.

Edwein 68:33

Bɔ ɔnate ewienu anwuro anwuro, tetetete nyameɛso ne, ɛ́mɔto ye nwo dwein; ɛ́mɔtie, ye komvi piri ne, ɔbɔ nu kurudududu.

Anyandera 1:26

me koso ngɔsere ɛmɔ wɔ ɛmɔ amaneɛnwunɛ nu; ahunundetelɛ tɔ ɛmɔ so a, ngɔgoro ɛmɔ nwo;

Yesaya 40:22

Aseɛ noa dɔ kango ne, ye yeɛ ɔte so ɔ, bɔ aseɛ so ama bɛte kyɛ torɔka ɔ. Ye yeɛ ɔtrɛtrɛ anwuro nu kyɛ mbɛmuɛ tena ɔ, na ɔbayebaye nu kyɛ ɛtena sua bɔ bɛtena nu ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?