Edwein 19:9 - AHYERƐLƐ KRONGRON

⁹ AWURADE surolɛ te krongron, na esurolɛ ne tena berɛ afebɔɔ. AWURADE nhyehyɛleɛ te nahorɛ, na ye mukoraa tengyɛ.

Edwein 19:9 Iomraidhean Croise

Gyenesise 22:12

Na ɔhane kyɛ, “Nnɛfa wɔ sa ka akwadaa ne, yeɛ nnɛyɔ ye hwee, ofikyɛ afei de manwu kyɛ esuro Nyameɛ, na amva ɛwa komapɛ twe ne ammɔ me aheɛ.”

Gyenesise 42:18

Ɛlɛsa ne aso, Yosef sele bɛ kyɛ, “Ɛ́mɔyɔ ɛhe na ɛmɔanya bɛ ti badidi nu, ofikyɛ mesuro Nyameɛ:

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

Nehemia 5:15

Amrado mɔ bɔ belili me nyunu moa ne de, bɛfale anwokyere kandinga paa yeɛ bɛtole maen ne aso ɔ. Bedidele aleɛ ne nzaa befili mmenia ne berɛ, asora ɛdwetɛ sekel aburanna ne koso. Bɛ somvoɛ nemɔ po, bɛyɛle maen ne aso abakomasɛm. Nakoso me de, manyɔ sɔ, ofikyɛ mesuro Nyameɛ.

Edwein 10:5

Nningyein kɔ so yé ma ye mmerɛ biala; wɔ ndɛenbualɛ ne, ɔwɔ anwuro anwuro bɔ ye de ɔmva ye nwo ɔ; ɔgoro ye pɔfoɛ mɔ amukoraa bɛ nwo.

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Edwein 115:13

okoyira bɛ bɔ besuro AWURADE ɔ, kwahweabaa mɔ ne atitire mɔ.

Edwein 119:1

Bɛ bɔ bɛ bra te sannwuu, ná bedi AWURADE mmeraa so ne, benya saleɛ.

Edwein 119:106

Mata ndaen, na ngoli so, kyɛ ngoli wɔ tenenee nhyehyɛleɛ ne aso.

Edwein 119:111

Wɔ noa dwirɛ ne te m’agyapadeɛ afebɔɔ; na ɔma me anigye wɔ m’ahone nu.

Edwein 119:142

Wɔ tenenee ne, ɔte tenenee afebɔɔ, na wɔ mmeraa yeɛ ɔte nahorɛ ɔ.

Edwein 119:39

Animguaseɛ bɔ mesuro ne, pa gua ma me, ofikyɛ wɔ nhyehyɛleɛ te paa.

Edwein 119:62

Medwɔso abunnamu meda wɔ ase, ɔnate wɔ tenenee nhyehyɛleɛ ne ati.

Edwein 119:7

Sɛ mesua wɔ tenenee nhyehyɛleɛ ne a, ngɔfa ahone bɔ nu te sannwuu ɔ ngɔye wɔ ayɛ.

Edwein 119:75

Ao AWURADE, mese kyɛ wɔ ndɛenbualɛ te turoloo, na ɛnate nahorɛlilɛ so ahwe me so.

Edwein 12:7

Ao AWURADE, nea yɛ so; bɔ yɛ nwo waen fi sɔ aworɛ ndoatoasoɛ he anu afebɔɔ.

Edwein 147:19

Ɔlale ye dwirɛ ali hyirele Yakob, ɔfale ye ahyɛdeɛ ne ye nhyehyɛleɛ mane Yisrael.

Edwein 36:1

Amumuyɛɛ dwudwo kyire bɔnefoɛ wɔ ye ti anu; bɔnefoɛ nye so de, Nyameɛ nwo nyɛ suro.

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Ɛksadɔso 21:1

“Nhyehyɛleɛ hemɔ yeɛ hyehyɛ ma bɛ ɔ:

Anyandera 8:13

Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Yesaya 26:8

O AWURADE, yɛ nye la wɔ ate wɔ wɔ ndɛenbualɛ atee ne aso, yɛ kra wora adɔ wɔ dumaa, ɔne wɔ nwo ngayeɛ.

Yesaya 45:19

Nna mvealeɛ nu yeɛ ndwudwole ɔ, nna aseɛ so nekaa bie bɔ ɔte awosii ɔ; manga mangyire Yakob boso ama kyɛ, ‘Odi kyɛ ɛmɔpena me si atee wɔ basabasayɔlɛ nu.’ Me ole AWURADE bɔ medwudwo nahorɛ nu ɔ, edwirɛ bɔ ɔtengyɛ yeɛ mekã ɔ.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Romanfoɛ 11:22

Yiti ɔsɛ kyɛ enwu Nyameɛ ye anwumvoinnwunɛ ne ɔne ye anyeborolɛ ne. Ɔma ye nye boro bɛ bɔ bali makyebu ne aso; na wɔ de, Nyameɛ da ye paayɛlɛ ali kyire wɔ, nakoso sana ɛtena ye paayɛlɛ ne anu, na wamma ye sɔ de a, ɔkɔpɛ wɔ kɔto.

Romanfoɛ 2:2

Na yɛse kyɛ Nyameɛ ndɛen bɔ obua bɛ bɔ bɛyɔ sɔ nningyein ne te nahorɛ.

Deuteronomi 4:8

Aso maen titire foforɛ bie wɔ berɛ, bɔ ole ahyɛdeɛ ne nhyehyɛleɛ bɔ ɔtengyɛ kyɛ sɔ mmeraa he amukoraa bɔ méfa méma ɛmɔ ɛnɛ ye ɔ?

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 16:7

Na ndele komviɛ bie bɔ ofi afɔleɛ bokyea ne anu kyɛ, “Amba, O Tuminiɛ Awurade Nyameɛ, wɔ ndɛenbualɛ te nahorɛ na ɔtengyɛ.”

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”

1 Samuel 12:24

Ɛ́mɔnea nningyein mbiri mbiri bɔ wayɔ wama ɛmɔ ɔ. Esurolɛ mmom yeɛ ɔsɛ kyɛ ɛmɔsuro AWURADE, ná ɛmɔfa ɛmɔ ahone amukoraa bɛso ye nahorɛ nu ɔ.