Edwein 19:8 - AHYERƐLƐ KRONGRON

⁸ AWURADE ahyɛdeɛ te turoloo, ɔma sona ahone tɔ ye kunu; AWURADE mmeraa dwirɛ nwo te, na obukye sona nye.

Edwein 19:8 Iomraidhean Croise

Gyenesise 26:5

ofikyɛ Abraham tiele me dwirɛ, olili me dwirɛ so, me mmeraa dwirɛ so, m’ahyɛdeɛ ne me mmeraa so.”

2 Ahemvo 17:37

AWURADE ahyɛdeɛ ne ye nhyehyɛleɛ ne mmeraa ne mmeraa dwirɛ bɔ ɔhyerɛ mane ɛmɔ ne, odi kyɛ ɛmɔnea bedi so daa. Nnɛma ɛmɔsɔne nyameɛ foforɛ mɔ.

Nehemia 8:12

Yeɛ mmenia ne amukoraa bɛhɔle beedidili bɛnone, na bɛfale bie bɛhyehyɛle. Bɛgyele bɛ nye paa, ofikyɛ edwirɛ bɔ bɛkengale behyirele bɛ ne, bɛtele ye bo.

Nehemia 9:13

Edwu wale Sinai bokaa ne aso, na ɛne bɛ dwudwole fili nyameɛso, na ɛmane bɛ tenenee nhyehyɛleɛ, mmeraa turoloo, yeɛ ahyɛdeɛ ne mmeraa dwirɛ bɔ ɔte paa ɔ.

Edwein 105:45

amaa ɔnate so Yisraelfoɛ bali ye ahyɛdeɛ so, ná bali ye mmeraa so. Ɛ́mɔye AWURADE ayɛ!

Edwein 111:7

AWURADE sa noa nnwumaa te nahorɛ ne turoloo, ye ahyɛdeɛ amukoraa timu berɛ pindinn.

Edwein 119:105

Wɔ dwirɛ ne te me gya bo kanea, yeɛ ɔte hyireinn wɔ m’atee so.

Edwein 119:12

Ao AWURADE, yɛye wɔ ayɛ, kyirekyire me w’ahyɛdeɛ ne.

Edwein 119:121

Mayɔ bɔ ɔtengyɛ ná ɔte nahorɛ ɔ; nnɛyakyi me wura bɛ bɔ bɛhyɛ me so ɔ nemɔ sa.

Edwein 119:128

Yiti megyina wɔ dwirɛ so yeɛ mebɔ me bra ɔ; na mekyi ngondombo atee biala.

Edwein 119:130

Wɔ dwirɛ nu ngyirekyiremuɛ ma kanea; ɔma sona bɔ ye adwene te kãa ɔ nya nimdeɛ.

Edwein 119:14

Me nye gye kyɛ ngoli wɔ noa dwirɛ so tra anwonyadeɛ amukoraa.

Edwein 119:143

Amaneɛ ne ahunundetelɛ atɔ me so, nakoso wɔ mmeraa dwirɛ yeɛ ɔma me anika ɔ.

Edwein 119:16

Ngɔma me nye kɔgye w’ahyɛdeɛ nwo, na mengɔma me wora ngofi wɔ dwirɛ ne.

Edwein 119:171

Me noa kɔhã ayɛyelɛ dwirɛ, ofikyɛ ekyirekyire me w’ahyɛdeɛ ne.

Edwein 119:24

Wɔ noa dwirɛ yeɛ me nye gye ye nwo ɔ, na ɔte me foɛtulɛfoɛ.

Edwein 119:40

Amba, me wora adɔ wɔ mmeraa ne; gyina wɔ tenenee ne aso maa nya ngoa.

Edwein 119:54

Awuro bɔ mayɛ ɛwɔfoɛ maatena nu ne, w’ahyɛdeɛ yeɛ ɔte me dwein ɔ.

Edwein 119:80

Maa m’ahone nu ɔyɛ sannwuu wɔ w’ahyɛdeɛ so lilɛ nwo, amaa ɔnate so me nyunu wangua ase.

Edwein 119:92

Sɛ nna wɔ mmeraa yeɛ me nye gye ye nwo a, ahaa mawu wɔ m’amaneɛnwunɛ nu.

Edwein 12:6

AWURADE bɔhyɛ te bɔhyɛ bɔ ye nwo te ɔ, ɔte kyɛ ɛdwetɛ bɔ bapɔ ye nwo wɔ ɛfaa afaa nu ɔ, bɔ bapɔ ye nwo pɛen nzoo ɔ.

Edwein 13:3

Ao AWURADE, me Nyameɛ, nea ná ma me mmuayɛɛ! Ma me nwo sande me, nna manna ewue nnaa;

Edwein 40:8

Ao me Nyameɛ, bɔ mekuro ole kyɛ ngɔyɔ w’apɛdeɛ ɔ; wɔ mmeraa ne wɔ me ti anu.”

Edwein 93:5

Wɔ noa dwirɛ te nahorɛ turoloo; ao AWURADE, krongronyɛlɛ fata w’awuro afebɔɔ.

Ɛksadɔso 18:16

Sɛ ebie ne obiɛngo benya dwirɛ a, bɛba me berɛ maa mesiesie b’afia, na mekyire bɛ Nyameɛ ahyɛdeɛ ne ye mmeraa.”

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Anyandera 30:5

Nyameɛ noa dwirɛ biala te sannwuu, ɔte akokyɛm ma bɛ bɔ bɛfa bɛ wora bewura ye nu ɔ.

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Yesaya 64:5

Sona bɔ ɔbɔ tenenee bra wɔ anigye so ne, bɔ ɔkaye wɔ ɔfa w’atee so ne, ɛyɛ ye awaawaatuu. Tie, yɛ bɔne maa ɛfɛle yaa, yɛ bɔne nu yeɛ yɛtɛte ye dadadada ɔ, aso ekole yɛ ngoa anaa?

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 7:22

Ofikyɛ me nye gye Nyameɛ mmeraa nwo wɔ me nu paa.

Romanfoɛ 7:7

Afei yɛkɔhã ye sɛ? Kyɛ mmeraa ne ɔtte mayee anaa? Dabida! Na sɛ nna mmeraa ne ahɔ a, ahaa menze bɔne. Sɛ mmeraa ne anga kyɛ, “Nnɛma wɔ nye boro ebie nikyee” a, ahaa menze kyɛbɔ besi bɛma bɛ nye boro nikye ɔ.

Galatiafoɛ 2:19

Na mede mvale mmeraa ne aso nwu mane mmeraa ne, kyɛbɔ ngɔtena ase ngɔma Nyameɛ ɔ.

Galatiafoɛ 3:21

Aso ɛhe kyire kyɛ mmeraa ne tia Nyameɛ bɔhyɛ nemɔ anaa? Dabida! Ofikyɛ sɛ bɛmane sona mmeraa bie bɔ ɔkora ma daa ngoa de a, nzaade ahaa ɔte amba kyɛ sona nate mmeraa so yeɛ ɔyɛ tenenee ɔ.

Deuteronomi 16:11

Di ahurusi wɔ AWURADE wɔ Nyameɛ nyunu, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ bɔ bɛte wɔ kuro, ɛwɔfoɛ mɔ, nyisiaafoɛ ne kunafoɛ bɔ bɛte wɔ kuro ɔ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 16:14

Aluolue mmerɛ ne, di ahurusi, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ, ɛwɔfoɛ mɔ, nyisiaafoɛ, ɔne kunafoɛ bɔ bɛte wɔ kuro ɔ.