Edwein 19:14 - AHYERƐLƐ KRONGRON

¹⁴ Ao AWURADE, me nyɔbotaen ne me defoɛ, edwirɛ bɔ ngɔte me noa ngɔhã, ɔne bɔ ngosusu ye nwo wɔ me ti anu ne, maa ɔsɔ wɔ nye.

Edwein 19:14 Iomraidhean Croise

YOB NWOMAA NE 19:25

Ofikyɛ me de, mese kyɛ me Defoɛ ne ɔte ase, na ayieleɛ ne, okoli me dwirɛ kɔma me wɔ aseɛ ye aso.

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 119:108

Ao AWURADE, de m’ayɛyelɛ afɔleɛ ne to nu, ná kyirekyire me wɔ nhyehyɛleɛ ne.

Edwein 51:15

Ao AWURADE, bukye me noa, na ngɔfa me noa ngɔbɔ dawure ngɔye wɔ ayɛ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Yesaya 43:14

AWURADE, ɛmɔ Defoɛ, Yisrael Krongronniɛ ne, ɔnwa nyoo: “Ɔnate ɛmɔ ti, masoma maa bahɔ Babilɔn, kyɛ beebubu mmuralɛ bɔ ɔbrambram pambim nemɔ asi ne anu, na Kaldeafoɛ anigye esebɔlɛ ne, ɔkɔkakyi awuyebɔlɛ.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 47:4

Yɛ Defoɛ ne, ye dumaa ole Asafo AWURADE, Yisrael Krongronniɛ ne.

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Romanfoɛ 15:16

kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,