Edwein 19:13 - AHYERƐLƐ KRONGRON

¹³ Bɔne bɔ bɛboapa bɛyɔ ne, twe w’akoaa fi ye nwo. Sɔ bɔne nemɔ, nnɛmaa bedi me so, amaa ɔnate so mali be wɔ wɔ nyunu, ná manni mmeraatolɛ piri ne anwo fɔ.

Edwein 19:13 Iomraidhean Croise

Gyenesise 20:6

Na Nyameɛ buale ye wɔ laleɛ ne anu kyɛ, “Yoo, mese kyɛ wɔ ti anu te fufue wɔ edwirɛ he anwo. Me yeɛ ndwene wɔ nzale bɔ mamma anyɔ bɔne andia me ɔ; na ɛhe ati yeɛ mamma amva wɔ nwo anga ye ɔ.

YOB NWOMAA NE 34:32

bɔ mannwu ye bɔ mayɔ ne, kyirekyire me, sɛ mayɔ amumuyɛɛ a, mengɔyɔ sɔ ko’ a,

Edwein 11:7

Ofikyɛ AWURADE te teneneeniɛ, okuro bra bɔ ɔtengyɛ ɔ; na sona bɔ ɔtengyɛ ne, okonwu AWURADE nyunu.

Edwein 119:133

Gyina wɔ dwirɛ so tutu me gya siesie yé, na nnɛma amumuyɛɛ biala di me so.

Edwein 18:23

M’atee tengyɛ wɔ ye nyunu, na mate me nwo mafi bɔne nwo.

Edwein 7:10

Nyameɛ te m’akokyɛm, ye yeɛ ɔpepɛ de bɛ bɔ b’ahone nu te ɔ.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Ɛksadɔso 21:14

Nakoso sɛ ebie nye la ye nwo, ná ɔlakalaka obiɛngo ku ye a, ye de twe ye fi m’afɔleɛ bokyea ne anwo ma behũ ye.

Lewitikɔso 4:13

“Na sɛ Yisrael ama mukoraa bammoapa ná bɛyɔ bɔne, ná sɛ bɔne ne ɔfea mmenia ne amu a, sɛ bɛyɔ nningyein bɔ AWURADE abra bɛ kyɛ nnɛmaa bɛyɔ ne anu biala, ná yiti bedi ye nwo fɔ a,

Lewitikɔso 4:2

“Ka kyire Yisraelfoɛ kyɛ, ‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ ebie ɔyɔ nu biala, bɔ sɔ sona ne ɔnze kyɛ wayɔ bɔne a,

Lewitikɔso 4:22

“Sɛ maen panyi bie yɔ bɔne, bɔ wayɔ nningyein bɔ AWURADE ye Nyameɛ akanzo ɛmɔ kyɛ nnɛma ɛmɔyɔ ne anu biala, bɔ sɔ sona ne ɔnze kyɛ wayɔ bɔne, ná ɔnate so maa odi fɔ,

Lewitikɔso 4:27

“‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ maen baa bie ɔyɔ nu biala, bɔ sɔ sona ne ɔnze kyɛ wayɔ bɔne, maa ɔnate so odi fɔ,

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

1 Samuel 25:39

Dawide tele kyɛ Nabal awu ne, ɔhane kyɛ, “AWURADE bɔ watɔ Nabal alapaa bɔ wabɔ me ne aso wereɛ, bɔ asa koso wamma ye akoaa anyɔ bɔne ne, animnyam hã ye. AWURADE ama Nabal bɔne abɔ ye bɔbɔ ye ti so.” Afei Dawide somane maa bɛɛhã behyirele Abigail kyɛ okogya ye.