Edwein 19:11 - AHYERƐLƐ KRONGRON

¹¹ Afei koso, ɔnate so yeɛ ɛbɔ wɔ somvoɛ kɔkɔ ɔ; na sona di so a, onya akatuaa piri.

Edwein 19:11 Iomraidhean Croise

2 Aberɛso Dwirɛ 19:10

Ɛmɔ aliɛma mɔ bɔ bɛtete bɛ nguro nemɔ aso ne, sɛ bɛ nu biala fa edwirɛ ba ɛmɔ nyunu bɔ ɔfa awuelilɛ nwo, mmeraa anaa mmeraa dwirɛ, ahyɛdeɛ anaa nhyehyɛleɛ nwo a, odi kyɛ ɛmɔkyirekyire bɛ, amaa ɔnate so banni fɔ wɔ AWURADE nyunu maa ye yaafɛlɛ piri wamma ɛmɔ ne ɛmɔ aliɛma mɔ so. Ɛ́mɔyɔ sɔ, amaa ɛmɔanni fɔ.

Edwein 119:103

Wɔ dwirɛ ne, kyɛbɔ osi yɛ me fɛ ɔ! Ɔyɛ me noa nu fɛ tra woɛ!

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Edwein 119:72

Wɔ noa nu mmeraa te paa ma me tra esikaa kɔkorɛ ne ɛdwetɛ apee apee.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Anyandera 24:14

Nwu ye kyɛ, sɔ ala yeɛ nworɛ te ma wɔ kra ɔ, sɛ enwu ye a, ekonya so mvasoɛ kyẽa bie, na w’anyelasoɛ ne bo ngɔpɛ.

Anyandera 29:18

Nekaa bɔ mmenia bɛndwene kyẽa bie ngɔsoɛ nwo ne, maen ne anu yɛ basaa, nakoso sona bɔ odi mmeraa ne aso ne, onya saleɛ.

Hesekiel 3:3

Na osele me kyɛ, “Sona awa, nwomaa he bɔ mabobɔ, bɔ mafa mama wɔ ne, di maa wɔ ko yi.” Yiti nnili, na ɔyɛle me noa nu menemene kyɛ woɛ.

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Mateo 6:18

ná mmenia bannwu kyɛ ɛyɛ akɔngyere ɔ; sana wɔ Baba bɔ ɔwɔ mvealeɛ nu ne; na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 6:4

ama w’adɔeɛyɛlɛ ne ayɛ mvealeɛ nu dwirɛ; na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 6:6

Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

1 Korintofoɛ 4:14

Mengyerɛ ɛhe memma ngua ɛmɔ nyunu ase, nakoso mefa metu ɛmɔ foɛ kyɛ me mma bɔ mekuro ɛmɔ dwirɛ ɔ.

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.

Nyekyire 14:13

Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”