Edwein 18:9 - AHYERƐLƐ KRONGRON

⁹ Ɔmoamoane ewienu, na odwuli ase, na né awosii kabii wɔ ye gya bo.

Edwein 18:9 Iomraidhean Croise

2 Samuel 22:10

Ɔmoamoane ewienu, na odwuli ase, na né awosii kabii wɔ ye gya bo.

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Edwein 68:4

Ɛ́mɔto Nyameɛ nwo dwein, ɛ́mɔto ye dumaa nwo ayɛyelɛ dwein, ɛ́mɔpɛ atimbire bɛ́ma bɔ ɔte nikyee so ɔnate munungum so ne; ye dumaa ole AWURADE, na ɛmɔli ahurusi wɔ ye nyunu.

Edwein 97:3

See li ye nyunu, na ɔyera ye pɔfoɛ mɔ bra yia.

Ɛksadɔso 19:18

Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Yesaya 51:6

Ɛ́mɔma ɛmɔ nye so bɛ́nea anwuro, ná ɛ́mɔhu bɛ nye ase bɛ́nea aseɛ; ofikyɛ anwuro kotu komini kyɛ nwosina, aseɛ kɔtete kyɛ ɛtena, na so ama kowuwu sɔ ala; nakoso me ngoalelɛ ne de, ɔkɔyɛ afebɔɔ, yeɛ me tenenee ne wora, ye bo ngɔpɛ le.

Yesaya 66:15

“Ɛ́mɔtie, AWURADE kɔfa see ne ye teaseɛnam mɔ bɔ bɛte kyɛ mvrama piri yeɛ ɔkɔwa ɔ,, kyɛ ɔbaafa ye ahonehulɛ ne otua so kerɛ ɛyaafɛlɛ so, ná ɔfa see wuronyiwuronyi ɔtea bɛ.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Marko 15:33

Na ɔbɔle eyia duabien ne, awosii katale aseɛ ne amukoraa so maa ɔɔbɔle eyia nnɔnmmiɛnza.

Yohane 13:7

Na Yesu buale ye kyɛ, “Bɔ meyɔ ye, ɛnde ye bo kekesaala ye, na nziɛ ye ɛkɔte ye bo.”

Deuteronomi 33:26

“Yesurun Nyameɛ ne, nyameɛ biala nne berɛ bɔ ɔte kyɛ ye ɔ, ye yeɛ ɔnate ye tumi piri so fa munungum nu, ná ɔfa ewienu baboka wɔ ɔ.

Hebrifoɛ 12:26

Ye yeɛ sɔ mmerɛ ne ye komvi mane aseɛ wosole ɔ, nakoso kekesaala ye de wahyɛ bɔ kyɛ, “Nna aseɛ angome yeɛ mebaawoso ye bieku ɔ, na anwuro koso boka so.”

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.