Edwein 18:8 - AHYERƐLƐ KRONGRON

⁸ Nwosina fili ye bonyi anu pu wale; see wuronyiwuronyi fili ye noa nu wale, na see bɔ wasɔ gonn fili ye nwo tutu guale.

Edwein 18:8 Iomraidhean Croise

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

YOB NWOMAA NE 41:19

See wuronyiwuronyi fi ye noa nu fite, na ye noa nu pa see.

Edwein 104:32

Ɔto ye nye nea aseɛ a, aseɛ woso, ná ɔte ye sa kã mmokaa a, betu nwosina ɔ!

Edwein 11:6

Ɔkɔtɔ see ne sɔfe kogua bɔnefoɛ so; mvrama hyerɛhyerɛ yeɛ ɔkɔfa kotua bɛ kerɛ ɔ.

Edwein 21:9

Sɛ ɛye wɔ nwo ali a, ɛkɔmaa bɛkɔyɛ kyɛ foonoo nu see. AWURADE kohũhũ bɛ wɔ ye yaafɛlɛ ne anu, na see kɔyera bɛ.

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Edwein 74:1

Ao Nyameɛ, nzu ati yeɛ apo yɛ afebɔɔ ye? Wɔ bɔbɔ wɔ mmoaen bɔ ɛma bɛ aleɛ ne, nzu ati yeɛ afɛ yɛ so yaa kandinga ye?

Yesaya 24:18

Na ɔkɔwa kyɛ, sona bɔ ɔte ahunundetelɛ ne nga, ná ɔnwati ne, ɔkɔɔtɔ kumaa ne anu, yeɛ bɔ okofi kumaa ne anu kɔfo kɔwa ne koso, ngaen ne kɔhye ye. Ofikyɛ nyameɛso mboma nemɔ abukyebukye, na aseɛ nyinasoɛ nemɔ bɛwosowoso.

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Lewitikɔso 10:2

See fili AWURADE berɛ ɔɔyerale bɛ ná bɛtotɔle wɔ AWURADE nyunu.

Amose 4:11

“Nnuane ɛmɔ nu biemɔ boso kyɛbɔ me, Nyameɛ, nnuane Sodom ne Gomora bɛ boso ne. Na né ɛmɔte kyɛ gyetia bɔ baye bafi see bɔ ogye nu ɔ, nakoso ɛmɔanza bamma me berɛ,” AWURADE noa dwirɛ ɛne.

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Deuteronomi 29:20

ye de AWURADE ngɔfa sɔ sona ne nwo ngɔhyɛ ye, ofikyɛ AWURADE ɛyaafɛlɛ ne nungunɛ kɔyera ye kyɛ see. Musue mukoraati bɔ bahyerɛ ye nwomaa he anu ne kɔto ye, na AWURADE kokyikyi ye dumaa kofi aseɛ ye aso.

Nyekyire 11:5

Na sɛ ebie yɛ kyɛ ɔha bɛ a, see fi bɛ noa nu bayera bɛ pɔfoɛ mɔ; yeɛ sɛ ebie yɛ kyɛ ɔha bɛ a, sɔ ala yeɛ ɔsɛ kyɛ beku ye ɔ.