Edwein 18:7 - AHYERƐLƐ KRONGRON

⁷ Yeɛ aseɛ pusuli, na ɔwosole; mmokaa mɔ nyinasoɛ ye bo kekane, na ɔwosole, ɔnate kyɛ ye ahone huli.

Edwein 18:7 Iomraidhean Croise

Edwein 34:16

AWURADE tu ye nye sie bɔnefoɛ so, kyɛ okonua bɛ boso kofi aseɛ so.

Edwein 34:18

AWURADE pingye bɛ bɔ bɛ wora abɔ ɔ, na ɔpepɛ de bɛ bɔ bɛ kra aboto ɔ.

Edwein 39:13

Nnɛtu wɔ nye sie me so, amaa ɔnate so masa manya anigye koraka né mafi wa mahɔ bɔ bengonwu me ko ɔ.”

Edwein 40:2

Ɔyele me fili ewue kumaa nu, ɔyele me fili asaa nu, na ɔfale me gya siesiele nyɔbotaen so mane me gya bo tindimuni.

Edwein 46:2

Yiti sɛ aseɛ kakyi butu, ná mmokaa tutu kogua ɛpo buma nu,

Yeremia 4:24

Ndole me nye nneane mmokaa nemɔ aso, na yieee, né bɛwosowoso; na né pambaa nemɔ bɛpo biribiri.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

Habakuku 3:6

Ɔte gyinane, na ɔwosole aseɛ. Ɔtole ye nye neane, na ɔbɔle maen maen mɔ sandene; mmokaa bɔ bɛwɔ berɛ afebɔɔ ne, bedwiri beguale, na daa tete pambaa nemɔ, bɛbɔle bɛ nu ase. Ye atee mɔ wɔ berɛ afebɔɔ.

Sakaria 14:4

Sɔ kyẽa ne, ye gya kogyinagyina Olive bokaa bɔ ɔwɔ Yerusalem ndendeneɛ so wɔ eyia afiteleɛ ne aso. Olive bokaa ne anu kodwa nyɔ kofi eyia afiteleɛ koodwu eyia atɔleɛ maa ɔkɔyɛ bɔnza kandinga paa, maa ɔnate so bokaa ne bue kɔhwe kɔhɔ sorɔ dɔ, ná ye bue koso wahwe wahɔ ngwaen dɔ.

Mateo 28:2

Na yieee, aseɛ wosole serɛserɛ; ofikyɛ Awurade abɔfo fili nyameɛso dwuli ase oomununi nyɔboɛ ne fili asieleɛ ne noa, na ɔtenane so.

Asomafoɛ 4:31

Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.

Maenbulɛfoɛ 5:4

AWURADE, mmerɛ bɔ etuli wɔ bo fili Sɛre ne, mmerɛ bɔ ɛpɛle nu wɔ Edom mbɔtam ne, aseɛ wosole, nyameɛso tɔle nzue, yeɛ munungum tɔle nzue paa.