Edwein 18:43 - AHYERƐLƐ KRONGRON

⁴³ Mmenia bɔ bɛyɔle me nwo lɔen ne, ɛpepɛ lele me fili bɛ sa nu. Ɛfale me tuale maen maen mɔ noa, na mmenia bɔ né menze bɛ ɔ bɛsole me.

Edwein 18:43 Iomraidhean Croise

2 Samuel 19:9

Yisrael mmusua kure nemɔ anu, né mmenia ne amukoraa bésu ye nwo aporowaa kyɛ, “Nana Dawide lele yɛ fili yɛ pɔfoɛ mɔ sa nu, yeɛ ɔyele yɛ fili Filistifoɛ sa nu. Nakoso kekesaala ye de, ɔnate Absalom ti wanwati wafi maen ye anu.

2 Samuel 3:1

Koɛ bɔ ɔtɔle Sɔɔlo awuro ama ne Dawide awuro ama b’afia ne, ɔhɔle so hyɛle. Dawide hɔle so nyane ngɔsoɛ, nakoso Sɔɔlo sasofoɛ de, bɛhɔle so bɛhɔle ase.

Edwein 108:9

Moabo te me nyanzɛen, Edom so yeɛ mefindi me mbaboa megua ɔ; na Filistia so yeɛ mebɔ ngonimlilɛ ese ɔ.”

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 52:15

sɔ ala yeɛ ɔkɔma maen maen mɔ bɛ nwo kodwiri bɛ ɔ; ɔnate ye ti ahemvo mɔ kɔtotɔ mmobo; ɔnate kyɛ, bɔ bɛhhã behhyirele bɛ ne, bekonwu ye; yeɛ bɔ bɛttele ne, bɛkɔte ye bo.

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Romanfoɛ 15:12

Yesaya kã ye bieku kyɛ, “Yese ndii ne kɔwa, ye yeɛ okodwɔso kooli Amaenmaensofoɛ so hene ɔ, na ye so yeɛ Amaenmaensofoɛ kɔfa bɛ nye bɛkɔto ɔ.”

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

Romanfoɛ 16:26

nakoso afei de bala ye ali, na bɛnate bɔ ngɔmhyɛlɛfoɛ bɛhyerɛle ne aso bala ye ali bahyire maen amukoraati, kyɛbɔ Ɛdangama Nyameɛ ye ahyɛdeɛ te ne, amaa ɔnate so maen maen amukoraa bale bali ná bayɛ sotie bama ye.

Ɛfesofoɛ 1:22

Na wafa nningyein amukoraa wawura Kristo gya bo, na wafa ye wayɛ nningyein amukoraa so tire wama asɔre ne,

1 Petro 2:10

Daa ne de, né ahaa ɛmɔtte maen, nakoso afei de, ɛmɔte Nyameɛ maen; daa ne de, né onnwuni ɛmɔ anwumvoin, nakoso afei de, wanwu ɛmɔ anwumvoin.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”