Edwein 18:3 - AHYERƐLƐ KRONGRON

³ AWURADE bɔ ɔfata ayɛyelɛ ne, ye yeɛ mesu mefrɛ ye ɔ, na ɔpepɛ de me fi me pɔfoɛ mɔ sa nu.

Edwein 18:3 Iomraidhean Croise

2 Samuel 22:4

AWURADE bɔ ɔfata ayɛyelɛ ne, ye yeɛ mesu mefrɛ ye ɔ, na ode me fi me pɔfoɛ mɔ sa nu.

Nehemia 9:5

Yeɛ Lewifoɛ hemɔ: Yesua, Kadimiɛl, Bani, Hasabeneya, Serebia, Hodia, Sebania ne Petahia besele kyɛ, “Ɛ́mɔdwɔso bɛye AWURADE ɛmɔ Nyameɛ ayɛ ofi ɛnɛ bɔ ɔkwaadwu afebɔɔ. W’animnyam dumaa bɔ ɔbo animnyam ne ayɛyelɛ amukoraa so ne, yɛye ye ayɛ.”

Edwein 144:1

Animnyam hã AWURADE me Nyɔbotaen ne bɔ okyire me koɛhonɛ, ɔne me sa mmaa kyɛbɔ besi bɛko ɔ.

Edwein 145:3

AWURADE te piri, na ɔfata ayɛyelɛ piri paa; ye piri ne bo sona ndeaseɛ so.

Edwein 3:4

Ndeane nu nzu mvrɛle AWURADE, na otiele me sufrɛ fili ye bokaa krongron ne aso. Sela

Edwein 31:4

Ye me fi ngaen bɔ basua bafea me ne anu, ofikyɛ wɔ yeɛ ɛte m’anwoserɛ ɔ.

Edwein 48:1

AWURADE te piri, na ɔfata ayɛyelɛ piri paa wɔ yɛ Nyameɛ kuro ne anu. Ye bokaa krongron ne,

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 55:16

Na me de, mesu mefrɛ Nyameɛ, na AWURADE kɔpepɛ kole me.

Edwein 62:3

Ɔkwaadwu kyinzu yeɛ ɛmɔkotu ɛmɔ nye bekosie sona horɛ so ɔ, bɔ ɛmɔ amukoraa ɛmɔpena ye beku ye ɔ, kyɛbɔ ɛmɔdwiri fasue bɔ wahyea ɔ begua ase ɔ.

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Edwein 71:3

Yɛ me nyɔbotaen bɔ menwati mebafea wɔ nu daa ɔ. Ayɛ nhyehyɛleɛ kyɛ ɛkɔpepɛ ekole me ngoa, ofikyɛ wɔ yeɛ ɛte me nyɔbotaen ne m’anwoserɛ afealeɛ ɔ.

Edwein 76:4

Ele animnyam, ele ahennie nu animnyam tra mmokaa bɔ betimu berɛ afebɔɔ ne.

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Edwein 91:2

okose AWURADE kyɛ, “Ɛte m’afealeɛ ne m’anwoserɛ afealeɛ, me Nyameɛ bɔ me wora wura ye nu ɔ.”

Edwein 96:4

Ofikyɛ AWURADE te piri, na ɔfata ayɛyelɛ piri paa; odi kyɛ sona suro ye tra nyameɛ biala.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Luka 1:71

kyɛ okole yɛ kofi yɛ pɔfoɛ mɔ sa nu, ɔne bɛ bɔ bekyi yɛ mukoraa bɛ sa nu,

Asomafoɛ 2:21

Na ɔkɔwa kyɛ ebiala bɔ ɔkɔbɔ Awurade dumaa ne, okonya ngoa.’

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”