Edwein 18:21 - AHYERƐLƐ KRONGRON

²¹ Ofikyɛ mali AWURADE dwirɛ so, na nnyɔle bɔne nngakyili me si mmmane Nyameɛ.

Edwein 18:21 Iomraidhean Croise

2 Aberɛso Dwirɛ 20:32

Ɔyɔle bɔ ye baba Asa yɔle ne bie, na wammakye wangɔ bɛen anaa famaa. Ɔyɔle bɔ ɔtengyɛ wɔ AWURADE nyunu ɔ.

2 Aberɛso Dwirɛ 34:33

Yosia tuli akyiwadeɛ amukoraa bo fili Yisraelfoɛ aseɛ amukoraa so. Na ɔmane ebiala bɔ ɔwɔ Yisrael sɔnene AWURADE bɛ Nyameɛ ne. Mmerɛ bɔ Yosia te ngoa nu amukoraa, banni AWURADE bɛ nana mɔ Nyameɛ ne, ye sɔnenɛ nwo makyebu.

Edwein 119:102

Nnnili wɔ nhyehyɛleɛ nwo makyebu, ofikyɛ ahyirehyire me.

Edwein 17:4

Mmenia bɛ yɔleɛ ne, ngyi wɔ noa dwirɛ so mahwe me nwo mafi basabasayɔlɛfoɛ bɛ yɔleɛ nwo.

Edwein 26:1

Ao AWURADE, bua me be, ofikyɛ mafa pɛpɛɛpɛyɛlɛ manate; na mafa me nwo mato AWURADE so bɔ mengɔnwɔngye mengɔtɔ ɔ.

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Anyandera 8:32

“Afei, me mma mɔ, ɛ́mɔtie me e, bɛ bɔ bɛnate m’atee so ne, benya saleɛ.

Daniel 6:23

Yeɛ ɔyɛle ɛhene ne fɛ paa, na ɔhyɛle kyɛ bɛye Daniel befi tuin ne anu. Yiti bɛyele Daniel befili tuin ne anu, na bannwu kyɛ ye nwo nekaa biala wapuropuro ɔ, ofikyɛ ɔfale ye wora wurale ye Nyameɛ nu.

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

1 Tɛsalonikafoɛ 2:10

Ɛmɔdi adanzeɛ, Nyameɛ koso sɔ ala, kyɛ yɛ suban bɔ yɛyele ye ali yɛhyirele ɛmɔ bɔ bɛte agyidifoɛ ne, ɔte krongron, ye nwo te, na ngekalewa biala nne ye nwo.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.