Edwein 18:15 - AHYERƐLƐ KRONGRON

¹⁵ Afei ɛpo ye bo dɔ aseɛ yele ye nwo ali, na aseɛ nyinasoɛ nwo lale berɛ, ofikyɛ, ao AWURADE, ɛhane bɛ nyunu, yeɛ nwomeɛ koso fili wɔ bonyi anu tu wale ne ati ɔ.

Edwein 18:15 Iomraidhean Croise

2 Samuel 22:16

Afei AWURADE hane bɛ nyunu, nwomeɛ fili ye bonyi anu tu wale, yiti ɛpo ye bo dɔ aseɛ yele ye nwo ali, na aseɛ nyinasoɛ nwo lale berɛ.

2 Ahemvo 19:7

Me bɔbɔ ngɔfa ahunundetelɛ adwene bie ngowura ye ti anu. Ngɔmaa ɔkɔte ngraa bie bɔ ɔkɔmaa okosa ye si kɔhɔ ye kuro ɔ. Ngɔmaa ɔkɔtɔ wɔ ngrandɛ noa wɔ ye bɔbɔ ye maen nu.’ ”

YOB NWOMAA NE 36:32

Ɔfa agralaa kata ye sa nwo, na ɔhyɛ ye maa ɔpe nekaa bɔ okuro kyɛ ɔpe ɔ.

YOB NWOMAA NE 4:9

Nyameɛ ye nwomeɛ yeɛ oku bɛ ɔ, na ye ɛyaafɛlɛ noa hyerɛ ma bɛ boso nua.

Edwein 104:5

Ɛfale aseɛ gyinane ye nyinasoɛ mɔ so, kyɛbɔ ɔkɔyɛ bɔ ɔngɔwoso le ɔ.

Edwein 106:9

Ɔhane Ɛpo Kɔkorɛ ne anyunu maa ɔwewele koraa; olili bɛ nyunu maa bɛfale buma ne anu kyɛ ɛserɛ so ahɔ ɔ.

Edwein 144:6

Tete agralaa yerɛmyerɛm, ná bɔ bɛ pete; soma w’agyaen nemɔ maa behũhũ bɛ pasaa.

Edwein 74:15

Ebukyele asue mɔ ne asue ba mɔ maa bɛtengyɛle, nakoso ɛmane asue mbiri mɔ bɛwewele.

Edwein 76:6

Ao Yakob Nyameɛ, ɛteateane bɛ ne, pɔngɔhanɛniɛ ne ɔne ye pɔngɔ ne, bɛlale berɛ pakayaa.

Edwein 77:18

Bɛtele w’agralaa ne nga wɔ mvrama bɔ ɔpɛ ye nwo ɔ nu; w’agralaa tale wiase hyireinn, na aseɛ wosole gigigigi.

Edwein 92:10

Nakoso amaa manya anwoserɛ kyɛ torɔen, na ahwie ngoo foforɛ agua me so.

Ɛksadɔso 15:8

Wɔ bonyi anu nwomeɛ mane nzue ne boaboale ye noa, asorɔkye ne gyinane berɛ kyɛ ɛwaen; na buma ne bɔle kunguma wɔ ɛpo afia.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yeremia 31:37

Bɔ AWURADE kã ɛhe: Sɛ bɛkora besusu nyameɛso anwuro anwuro, ná bɛkora betutu aseɛ nyinasoɛ bo bɛnea a, ye de ngɔpo Yisrael boso ama amukoraa, ɔnate bɔ bayɔ amukoraa ne ati, AWURADE noa dwirɛ ɛne.

Yona 2:6

Ndwu ngɔle mmokaa nemɔ abo dɔ paa, ndwu ngɔle aseɛ ne aso; aseɛ bɔ ye mmuralɛ bɔ ɔbrambram ye pambim mɔ asi ne, ɔhane me miane afebɔɔ ne. Nakoso ao AWURADE me Nyameɛ, ɛyele me ngoa fili ɛborɔ kumaa nu dɔ fite wale.

Mika 6:2

Ɛmɔ, mmokaa mɔ, yeɛ aseɛ nyinasoɛ pindinn mɔ, ɛ́mɔtie AWURADE kwaadu bɔ ɔbɔ ne, ofikyɛ AWURADE ne ye maen banya edwudwolɛ, na ɔne Yisrael kɔbɔ nguro.

Sakaria 9:14

Afei AWURADE kɔye ye nwo ali wɔ bɛ so, ye agyaen ne kɔhɔ kyɛ agralaa, AWURADE Nyameɛ kohu totorobɛndo, na ɔkɔfa ngwaen dɔ mvrama bɔ ɔpɛ ye nwo ne anu yeɛ ɔkɔhɔ ɔ.

1 Samuel 7:10

Na Samuel gu so ɔbɔ naen yeralɛ afɔleɛ nen, Filistifoɛ pingyele Yisraelfoɛ kyɛ bɛ ne bɛ baaho. Nakoso AWURADE bɔle nu kurudududu serɛserɛ guale Filistifoɛ so sɔ kyẽa ne mane bɛ nye so tanene, na ɔmane Yisraelfoɛ huhuni bɛ.