Edwein 18:13 - AHYERƐLƐ KRONGRON

¹³ AWURADE bɔle nu kurudududu wɔ nyameɛso, na Anwuro Anwuro Nyameɛ ne dwudwole nen, asukɔtwea kungumaboɔ ne see gonn tete guale.

Edwein 18:13 Iomraidhean Croise

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Edwein 104:7

Na ɛteateane bɛ ne, bɛnwatili; bɛtele kyɛ ɛbɔle nu kurudududu ne, bɛnwati bɛhɔle.

Edwein 11:6

Ɔkɔtɔ see ne sɔfe kogua bɔnefoɛ so; mvrama hyerɛhyerɛ yeɛ ɔkɔfa kotua bɛ kerɛ ɔ.

Edwein 140:10

Ma see gonn ogua bɛ so! Maa befindi bɛ begua see nu, kumaa kuronn nu bɔ bengodwɔso ko ɔ!

Edwein 78:48

Ɔtɔle asukɔtwea huhuni bɛ nandwie mɔ, yeɛ ɔtetele agralaa huhuni bɛ mmoaen mɔ.

Ɛksadɔso 20:18

Na mmenia ne amukoraa nwuni agralaa bɔ né ɔ́tete, ɔne bokaa bɔ né ótu nwosina ne, ná besa bɛtele agralaa bɔ né ɔ́bobɔ nu ne, ɔne totorobɛndo hulɛ nen, ɛserɛ mane bɛ nwo wosowosole bɛ, na beegyinane dedeede.

Ɛksadɔso 9:24

Asukɔtwea nyɔboɛ ne agralaa bɔ ɔ́tete see yerɛmyerɛm lili afra. Na kyɛbɔ ye suronyi si te ne, ofite kyɛ Misraim yɛle maen ɔ, ye sɛso ɔwwale Misraim aseɛ ne amukoraa so le.

Hesekiel 10:5

Na dede bɔ kɛrubim nemɔ bɛ ndaa ne yɔle ne, né ɛte alaa kodwu bondua dɔ, bɔ ɔte kyɛ Tuminiɛ Nyameɛ ye komvi bɔ odwudwo ɔ.

Habakuku 3:5

Né ewue anwonyerɛ li ye nyunu, na né ɛhawo nate ye gya bo.

Yohane 12:29

Na ɛlɔen bɔ né begyigyi berɛ ne, bɛtele sɔ dwirɛ nen, bɛhane kyɛ, “Agralaa ne abɔ nu kurudududu.” Yeɛ ebiemɔ koso hane kyɛ, “Abɔfo adwudwo ahyire ye.”

Deuteronomi 32:24

Ɛhɔen kɔmaa bɛkɔfɔ, bɛ nwo kɔyerayera bɛ, na ewue anwonyerɛ kɔbɔ bɛ. Ngɔma ngaka aboyaa kɔɔhye bɛ koli, na ngɔma mvuture nu ewoo bɔ ye noa le borɔ kɔkeka bɛ.

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.

1 Samuel 7:10

Na Samuel gu so ɔbɔ naen yeralɛ afɔleɛ nen, Filistifoɛ pingyele Yisraelfoɛ kyɛ bɛ ne bɛ baaho. Nakoso AWURADE bɔle nu kurudududu serɛserɛ guale Filistifoɛ so sɔ kyẽa ne mane bɛ nye so tanene, na ɔmane Yisraelfoɛ huhuni bɛ.