Edwein 18:12 - AHYERƐLƐ KRONGRON

¹² Kanea hyireinn bɔ oli ye nyunu ne, asukɔtwea kungumaboɔ ne see gonn fili nu bɔ wurale ye munungum ne anu.

Edwein 18:12 Iomraidhean Croise

Edwein 104:2

Afa kanea agurɔ wɔ nwo kyɛ ɛtena; atrɛtrɛ ewienu nu kyɛ ɛtena sua.

Ɛksadɔso 19:9

Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Yesaya 50:3

Mefa awosii tunn mekata anwuro nwo, na mefa ɛsɛen tena mekera bɛ.”

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Nyekyire 16:21

Na afei asukɔtwea mbiri mbiri bɔ ebiala nu nonɛ kɔyɛ kilo aburanna ne nnu ɔ, befili nyameɛso bɛtɔ beguale mmenia so; na ɛhawo bɔ asukɔtwea ne maa ɔwale ne ati, mmenia kekane musue dwirɛ betiale Nyameɛ, ofikyɛ né ɛhawo ne te piri paa.