Edwein 17:3 - AHYERƐLƐ KRONGRON

³ Sɛ ɛneanea m’ahone nu, ná ɛpɛnzɛpɛnzɛ me ti anu dwirɛ nu kɔngɔen, ná eso me nea a, engonwu bɔne biala wɔ me nu; mayɛ m’adwene kyɛ mengɔfa me noa mengɔhã edwirɛ bɔ ɔte bɔne ɔ.

Edwein 17:3 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

YOB NWOMAA NE 23:10

Nakoso ye de, ɔse atee bɔ mefa so ɔ, na sɛ oso me nea a, ngofi nu ngofite ma me nwo kɔyɛ hyɛmm kyɛ sikaa kɔkorɛ.

YOB NWOMAA NE 24:14

Wudiniɛ dwɔso alebahyene, kyɛ ɔkwaahu sona bɔ ɔyɛ anwumvo ɔ, ɔne ehianiɛ, na odwu kɔngɔen a, ɔte kyɛ awueniɛ.

Edwein 11:5

AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

Edwein 119:106

Mata ndaen, na ngoli so, kyɛ ngoli wɔ tenenee nhyehyɛleɛ ne aso.

Edwein 139:1

Ao AWURADE, aneanea me nu, na anwu me.

Edwein 139:23

Ao Nyameɛ, neanea me nu, ná nwu m’ahone nu dwirɛ; so me nea, ná nwu me ti anu adwene.

Edwein 16:7

AWURADE bɔ otu me foɛ ne, meye ye ayɛ; meda kɔngɔen po a, me tiboa kyire me bɔ nyɔ ɔ.

Edwein 26:2

Neanea me nu ná so me nea, pɛnzɛpɛnzɛ m’ahone nu ne me ti anu.

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Edwein 66:10

Ofikyɛ wɔ, ao Nyameɛ, aso yɛ anea; aso yɛ anea kyɛbɔ bɛpɔ ɛdwetɛ nwo wɔ see nu ɔ.

Edwein 7:4

sɛ mafa bɔne matua sona bɔ ɔne me te asomdwee nu kerɛ, anaakyɛ mafa atee tɛɛ so mafa me pɔfoɛ nningyein a,

Anyandera 13:3

Sona bɔ ondwudwo mbaen mbaen ne, ɔpena ye ti ngoa, nakoso bɔ ye noa te kurokuro ne de, onya amaneɛ.

Yeremia 12:3

Nakoso AWURADE, wɔ de ɛse me. Anwu me aso me anea, na anwu kyɛbɔ nzi nde ɔ. Twe bɛ kɔ kyɛ mmoaen bɔ bɛ́fa bɛ bɛ́kɔ akumyɛɛ ɔ, na tu bɛ sie berɛ ma ehunɛ kyẽa ne.

Yeremia 50:20

Na sɔ ngyẽa ne anu, sɔ mmerɛ ne, bɛkɔpena Yisrael amumuyɛɛ, nakoso bengonya bie; yeɛ bɛkɔpena Yuda ye bɔne, nakoso bengonwu bie, ofikyɛ bɛ bɔ ngɔmaa bɛkɔha wa ne, ngɔfa bɛ bɔne ngɔhyɛ bɛ, AWURADE noa dwirɛ ɛne.

Hosea 7:6

Ofikyɛ basiesie b’ahone kyɛ foonoo, wɔ nnakannaka atee so, b’ahone kɔ so hu kɔngɔen amukoraa, na ngyerɛmɔ ɔsɔ kyɛ see bɔ ógye ɔ.

Mika 2:1

Bɛ bɔ besusu amumuyɛɛ nwo, ná bɛdwene bɔne nwo wɔ bɛ bɛen so ne, bɛ yaakɔ! Aleɛ kye a, bɛyɔ sɔ, ofikyɛ ye nwo tumi wura bɛ sa.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Malaki 3:2

Nakoso kyẽa bɔ ɔ́ba ne, nwa yeɛ ɔkɔhora kogyina ye noa ɔ? Ɔye ye nwo ali a, nwa yeɛ ɔkɔhora kogyina ye nyunu ɔ? “Ofikyɛ ɔte kyɛ sona bɔ ohuro buralɛ ɔ ye see ne, ɔne bɔ ɔkɔ atapoɛ ɔ ye saminaen;

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 16:9

Sɔ kyẽa ne kɔngɔen, Pɔɔlo nyane nyekyire, na onwuni biaa bie bɔ ofi Makedonia kyɛ ogyi berɛ ná ɔpa ye kyerɛ kyɛ, “Bra Makedonia baaboka yɛ!”

1 Korintofoɛ 4:4

Ofikyɛ me tiboa mmua me foɛ, nakoso ɛhe ngyire kyɛ mendɔ sii. Na Awurade yeɛ obua me ndɛen ɔ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

1 Samuel 24:10

Tie, ɛnɛ kyẽa ye, wɔ nye tua kyɛbɔ AWURADE fale wɔ wurale me sa, wɔ nyɔboɛ bɔ wasi sua ne anu ɔ. Ebiemɔ sele me kyɛ ngu wɔ, nakoso mamaa anya wɔ ti adidi nu. Na ngane kyɛ, ‘Mengɔfa me sa ngɔhã me mene, ofikyɛ AWURADE apopa ye ngoo.’

1 Samuel 24:12

Me ne wɔ yɛ munyɔ, AWURADE yeɛ okohyire bɔ odi fɔ ɔ! AWURADE yeɛ ɔkɔtɔ wɔ so wereɛ kɔma me ɔ. Nakoso me de, mengɔfa me sa ngɔhã wɔ.

1 Samuel 26:11

AWURADE pa gua kyɛ ngɔfa me sa ngɔhã sona bɔ AWURADE apopa ye ngoo ɔ. Nakoso tu pealɛɛ bɔ ɔpena ye ti sorɔ berɛ ne, ná fa nzue ngomvo ne boka so ma yɛhɔ.”

1 Samuel 26:23

Sona biala ye tengyɛlɛ ne ye nahorɛlilɛ, yeɛ AWURADE gyina so ɔma ye nwo akatuaa ɔ. AWURADE fale wɔ wurale me sa ɛnɛ kyẽa ye, nakoso né menguro kyɛ ngɔfa me sa ngɔhã sona bɔ AWURADE apopa ye ngoo ne ɔ.