Edwein 17:13 - AHYERƐLƐ KRONGRON

¹³ Ao, AWURADE, dwɔso fa koɛ toa bɛ, ná di bɛ so ngonim! Fa wɔ ngrandɛ ne pepɛ de me ngoa fi bɔnefoɛ sa nu.

Edwein 17:13 Iomraidhean Croise

Edwein 10:12

Ao AWURADE, dwɔso e! Ao Nyameɛ, kyire wɔ tumi! Nnɛma wɔ wora fi sona bɔ onwu amaneɛ ɔ.

Edwein 119:126

AWURADE, mmerɛ aso kyɛ ɛkɔkekã wɔ nwo ɔ, ofikyɛ babu wɔ mmeraa ne aso.

Edwein 22:20

Pepɛ de me kra fi ngrandɛ noa; pepɛ de me ngoa fi ngyea ye mɔ sa nu!

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

Edwein 44:23

Ao AWURADE, tingye! Nzu ati yeɛ ɛda e? Dwɔso, na nnɛgyi yɛ to afebɔɔ!

Edwein 44:26

Dwɔso ná baaboka yɛ. Wɔ ɔdɔ bɔ onni ngasi ne ati, pepɛ de yɛ.

Edwein 7:6

Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Edwein 94:16

Nwa yeɛ okodwɔso kotia bɔnefoɛ kɔma me ɔ? Nwa yeɛ okodwɔso kogyina kotia amumuyɛɛfoɛ kɔma me ɔ?

Yesaya 10:15

Aso odi kyɛ akumaa ɔyɛ sona bɔ ɔfa ye bu bakaa ne so anwomasoɛ, anaakyɛ sralaa ɔmoma ye nwo so kyire sona bɔ ɔfa ye pakye mmakaa ɔ? Aso mbire kɔhora kɔhyɛ sona bɔ otira ye ne so, anaa pɔmaa kɔhora kɔpagya ye nwo kyɛ ye de nna bakaa ahɔ ɔ.

Yesaya 10:5

Aa, Asiria, me yaafɛlɛ mbire, pɔmaa bɔ otira bɛ sa nu ne, ɔte m’ahonehulɛ piri!

Yesaya 13:5

Befi dedeede aseɛ bie aso ne ewienu noa dɔ paa yeɛ bɛ́ba ɔ, AWURADE ne ye ahonehulɛ akodeɛ ne, kyɛ ɔbaasɛkye aseɛ amukoraa.

Yesaya 37:26

“ ‘Aso ande, kyɛ sɔ dwirɛ ne, ndwenene ye nwo ahyɛ ɔ? Ofi tetetete yeɛ nikyee bɔ meyɔ ye kekesaala ye ne nhyehyɛ ndole berɛ ɔ, kyɛ nguro bɔ bato bɛ nwo fasue nemɔ, odi kyɛ ɛsɛkye bɛ maa bɛkakyi kurofoen ɔ.

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Habakuku 1:12

Ao, AWURADE me Nyameɛ, me Krongronniɛ, aso nna wɔ yeɛ ɛwɔ berɛ fi tetetete bɔ olle ahyɛaseɛ ɔ? Yɛngowu. Ao AWURADE, atu bɛ asie berɛ kyɛ bebua yɛ ndɛen; ao Nyɔbotaen, ama bɛ bo atimu kyɛ bɛhwe yɛ so.

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.