Edwein 16:7 - AHYERƐLƐ KRONGRON

⁷ AWURADE bɔ otu me foɛ ne, meye ye ayɛ; meda kɔngɔen po a, me tiboa kyire me bɔ nyɔ ɔ.

Edwein 16:7 Iomraidhean Croise

Edwein 119:148

Me nye gua so kɔngɔen amukoraa, na ɔnate so medwenedwene wɔ dwirɛ ne anwo.

Edwein 119:55

Ao AWURADE, odwu kɔngɔen a mekaye wɔ dumaa, na medi wɔ mmeraa ne aso.

Edwein 119:7

Sɛ mesua wɔ tenenee nhyehyɛleɛ ne a, ngɔfa ahone bɔ nu te sannwuu ɔ ngɔye wɔ ayɛ.

Edwein 17:3

Sɛ ɛneanea m’ahone nu, ná ɛpɛnzɛpɛnzɛ me ti anu dwirɛ nu kɔngɔen, ná eso me nea a, engonwu bɔne biala wɔ me nu; mayɛ m’adwene kyɛ mengɔfa me noa mengɔhã edwirɛ bɔ ɔte bɔne ɔ.

Edwein 22:2

Ao me Nyameɛ, alehyeleɛ biala mesu mefrɛ wɔ, nakoso ɛndɛ me so; mesu mefrɛ wɔ kɔngɔen biala, nakoso me nwo ndɔ me.

Edwein 42:8

AWURADE ye ɔdɔ bɔ onni ngasi ne, ɔye ye ali eyia, na kɔngɔen meto ye dwein mefa mebɔ mbaeɛ mekyire Nyameɛ bɔ otira me ngoa nyamaa nu ɔ.

Edwein 63:6

Sɛ mekaye wɔ wɔ me bɛen so a, medwenedwene wɔ nwo abunnamu;

Edwein 73:21

Mmerɛ bɔ me kra lili aworabɔlɛ ne, mmerɛ bɔ mmotole ne,

Edwein 73:24

Ɛfa wɔ foɛtulɛ ekyire me atee, na ye si ye, ekole me kɔhɔ animnyam nu.

Edwein 77:2

M’amaneɛnwunɛ mmerɛ nu, mepena AWURADE si atee; sɛ odwu kɔngɔen a, metrɛtrɛ me sa nu bɔ me sa onnya ɔ; me kra mbene so kyɛ bɛkɔkyekye ye wora ɔ.

Edwein 77:6

Mekaye me kɔngɔen dwein; medwenedwene ye nwo wɔ me ti anu, na me sunzum pɛnzɛpɛnzɛ nu.

Anyandera 8:14

Foɛtulɛ ne nworɛ paa te me deɛ, me ole ndeaseɛ, na me nwo yɛ se.

Yesaya 26:9

Me kra wora dɔ wɔ kɔngɔen, amba, me sunzum bɔ ɔwɔ me nu ne, ɔpena wɔ paa, ofikyɛ sɛ wɔ ndɛenbualɛ wɔ aseɛ so a, ewiase ama besua bra bɔ ɔtengyɛ ɔ.

Yesaya 48:17

AWURADE, wɔ Defoɛ, Yisrael Krongronniɛ ne, ɔnwa nyoo: “Me ole AWURADE, wɔ Nyameɛ, bɔ ɔte paa ma wɔ ne, me yeɛ mekyirekyire wɔ ɔ, atee bɔ odi kyɛ ɛfa so ne, me yeɛ mefa wɔ mefa so ɔ.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Yeremia 12:2

Wɔ yeɛ edua bɛ ɔ, na betira ndii; benyi besu mmaa; wɔ dumaa lela bɛ noa, nakoso b’ahone de, ombingye wɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Luka 6:12

Sɔ mmerɛ ne anu, Yesu hɔle bokaa bie aso ɔɔbɔle mbaeɛ, na kɔngɔen ne amukoraa ɔbɔle mbaeɛ hyirele Nyameɛ.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.