Edwein 16:4 - AHYERƐLƐ KRONGRON

⁴ Bɛ bɔ bɛso nyameɛ foforɛ mɔ ne de, bɛtwetwe aworabɔlɛ pee bɛbrɛ bɛ nwo; mengɔbɔ mogya anonneɛ afɔleɛ mengɔma sɔ nyameɛ foforɛ nemɔ, yeɛ mengɔbɔ bɛ dumaa mengɔsɔne bɛ.

Edwein 16:4 Iomraidhean Croise

Gyenesise 35:14

Na Yakob fale ngayeɛ nyɔboɛ penane nekaa bɔ ɔne Nyameɛ bedwudwole ne, ohwiele anonneɛ afɔleɛ guale so na ohwiele ngoo koso guale so.

Edwein 32:10

Amaneɛ pee yeɛ ɔtoto bɔnefoɛ ɔ, nakoso sona bɔ ɔfa ye nwo to AWURADE so ne de, AWURADE ɔdɔ bɔ onni ngasi ne, ɔpɛ ye nwo bra yia.

Edwein 97:7

Mmenia bɔ bɛsɔne mmosoen, bɔ bɛfa amoen mɔ bɛhoahoa bɛ nwo ne, bɛ mukoraa bɛ nyunu agua ase; nyameɛ mɔ amukoraa, odi kyɛ ɛmɔkoto ye.

Ɛksadɔso 23:13

Bɔ mahã mahyire ɛmɔ ne amukoraa, ɛ́mɔli so. Nnɛma ɛmɔbɔ nyameɛ foforɛ biala dumaa; yeɛ nnɛmɔma ofite ɛmɔ noa.

Yesaya 57:6

Bɔnza nu nyɔboɛ torometorome nemɔ anu yeɛ ɔte wɔ kyɛfa ɔ, bɛ yeɛ bɛte w’agyapadeɛ ɔ, bɛ yeɛ abɔ wɔ anonneɛ afɔleɛ ne aburoo afɔleɛ ama bɛ ɔ. Aso me kunu kodwo wɔ sɔ nningyein nemɔ anwo anaa?

Yesaya 65:11

Nakoso ɛmɔ bɔ ɛmɔpo AWURADE, bɔ ɛmɔ wora fi me bokaa krongron ne, bɔ ɛmɔto poen bɛma bosoen bɔ ɛmɔfrɛ ye Saleɛ, bɔ ɛmɔfa nzaa mvrafra begua kwangoa nu tɛkyɛɛ bɛma bosoen bɔ ɛmɔfrɛ ye Ngrabea ɔ;

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Yeremia 7:18

Ngwadaa bubu eyein, seɛ mɔ sɔ see, na mmrasua mɔ fete mɔle bɛfa bɛto taterɛ bɛma bosoen bɔ bɛfrɛ ye Nyameɛso Hemmaa ne; na behwie anonneɛ afɔleɛ bɛma mmosoen foforɛ mɔ bɛfa bewura me apue.

Lewitikɔso 23:13

Na aburoo afɔleɛ bɔ ɔboka so ne, odi kyɛ bɛfa esam paa bɔ bafa ngoo bafra ye ɔ olonka nyɔ; ɔte afɔleɛ bɔ bɛbɔ bɛma see so bɛma AWURADE ná ɔbo ye fona ɔ. Anonneɛ afɔleɛ bɔ ɔboka so ne, odi kyɛ bɛfa bobe nzaa towaa ko ne bue.

Yona 2:8

Bɛ bɔ bɛsɔne mmosoen bɔ bɛtte huu ne, bɛpo bɛ bɔbɔ b’anwumvoinnwunɛ.

Yosua 23:7

amaa ɛmɔamva ɛmɔ nwo bammɔ maen maen mɔ bɔ baha wɔ ɛmɔ nwo wa ye, amaa ɛmɔammɔ bɛ nyameɛ nemɔ dumaa, amaa ɛmɔamva bɛ banda ndaen, amaa ɛmɔanzo bɛ, ná ɛmɔangoto bɛ.