Edwein 15:5 - AHYERƐLƐ KRONGRON

⁵ ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Edwein 15:5 Iomraidhean Croise

Edwein 106:3

Bɛ bɔ bebua ndɛen turoloo ne, ɔne bɛ bɔ bɛyɔ bɔ ɔtengyɛ daa biala ne, benya saleɛ.

Edwein 112:6

Ofikyɛ okogyina pindinn, na ye nwo ngayeɛ kɔtena berɛ afebɔɔ.

Edwein 16:8

Metwe m’adwene mesie AWURADE so daa; na ɔnate kyɛ ogyi me sa famaa so ne ati, mengofi ase.

Edwein 55:22

Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

Ɛksadɔso 22:24

na ngɔfɛ yaa piri paa, ná mafa ngrandɛ mahu ɛmɔ: ɛmɔ aye mɔ kɔyɛ kunafoɛ, ná ɛmɔ mma mɔ ayɛ awisiafoɛ.

Ɛksadɔso 22:25

“Me mmenia ehiafoɛ bɔ bɛwɔ ɛmɔ nu ne, sɛ ɛfa sikaa fɛmo bɛ nu biala a, nnɛyɛ ye kyɛ sona bɔ ɔbɔ bosea ɔ, yeɛ nnede ye berɛ nzihoɛ.

Anyandera 10:30

Bengotu teneneeniɛ bengofi ye boso, nakoso bɔnefoɛ de, ɔngɔtena aseɛ ne aso.

Anyandera 12:3

Sona ngora mva bɔneyɔlɛ nu mma onyie ye yé, nakoso teneneeniɛ de, okotira ndii bɔ ye bo ngotutu ɔ.

Anyandera 15:27

Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Hesekiel 18:17

onni ehiafoɛ aminɛ, ɔbɔ bosea a ɔmva nzihoɛ nzi ye nwo, anaa onne bie mmoka so; ná mmom odi me nhyehyɛleɛ ne m’ahyɛdeɛ so a, ye de, nna ye baba amumuyɛɛ ne ati yeɛ ɔbaamaa owu ɔ. Nahorɛ nu, okonya ngoa.

Hesekiel 18:27

Nakoso sɛ bɔnefoɛ twe ye nwo fi ye bɔne bɔ wayɔ ɔ nwo ɔkɔyɔ bɔ ɔte paa ne bɔ ɔtengyɛ a, okole ye kra ngoa.

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Mateo 26:15

oobisale kyɛ, “Sɛ meye ye mema ɛmɔ a, nzikyɛ yeɛ ɛmɔkɔfa bɛkɔma me ɔ?” Na bɛhale ɛdwetɛ aburasa bɛfa bɛmane ye.

Yohane 13:17

Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Deuteronomi 23:21

“Sɛ ɛhyɛ AWURADE wɔ Nyameɛ bɔ a, nnɛtwetwe wɔ bo ase wɔ ye tualɛ nu; ofikyɛ ɔyɛ sɛɛ ala a AWURADE wɔ Nyameɛ kobisa kofi wɔ berɛ, na ɔkɔkakyi wɔ so bɔne.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”