Edwein 15:3 - AHYERƐLƐ KRONGRON

³ bɔ ɔmva ye noa ngeka mmenia nwo dwirɛ tɛɛ, bɔ ɔnyɔ obiɛngo bɔne, ná ommu obiɛngo animtia ɔ.

Edwein 15:3 Iomraidhean Croise

Anyandera 22:10

Foa ngorohoɛniɛ ne, na ngondii so kɔpɛ; aporowaa ne nzoaa bo kɔpɛ.

Anyandera 25:3

Kyɛbɔ nyameɛso si wale kɔ anwuro, ná aseɛ bo dɔ kɔ kuronn ne, sɔ ala yeɛ sɛ ɛfeefee bɔ ɔwɔ ahemvo mɔ ti anu a ɔnyɛ yee ɔ.

Yesaya 56:2

Sona bɔ ɔyɔ sɔ ne, ɔte saleɛ ma ye, yeɛ sona awa bɔ otira nu pindinn ne, bɔ odi afofikyẽa ne aso, bɔ ɔmva efiɛ nga ye ne, bɔ ɔte ye nwo fi bɔne biala yɔlɛ nwo ne.”

Lewitikɔso 19:16

Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

Mateo 7:12

Yiti nikyee biala bɔ ɛmɔpena kyɛ mmenia yɔ ma ɛmɔ ne, ɛmɔ koso ɛ́mɔyɔ sɔ ala bɛ́ma bɛ; ofikyɛ porɛ bɔ mmeraa ne ne ngɔmhyɛlɛfoɛ nemɔ gyi so hɔ ɛne.

Romanfoɛ 1:30

koowaabɔlɛ, bɛpɔ Nyameɛ, nduhoɛ, soentolɛ, anyeserɛ, anwokyerɛ, awofoɛ so asoserɛ, ɔne

Romanfoɛ 12:17

Nnɛma ɛmɔfa bɔne betua ebiala bɔne kerɛ. Na mmom ɛ́mɔdwene bɔ ɔte paa wɔ mmenia mukoraa bɛ nye so ɔ nwo.

Romanfoɛ 13:10

Sɛ ekuro ebiɛngo dwirɛ a, ɛnyɛ ye bɔne; yiti ɔdɔ yeɛ mmeraa ne gyi so ɔ.

Tito 3:2

kyɛ, nnɛmaa bɛkã ebiala nwo dwirɛ tɛɛ, nnɛmaa bɛyɛ tuturefoɛ; na mmom bédwo bɛ nwo ase, ná bɛfa anidie bɔ odi mu ɔ bɛma mmenia mukoraa.

Yakobo 4:11

Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.