Edwein 15:2 - AHYERƐLƐ KRONGRON

² Sana bɔ ye bra te sannwuu, bɔ ɔyɔ bɔ ɔtengyɛ, bɔ ofi ye ahone nu ɔkã nahorɛ,

Edwein 15:2 Iomraidhean Croise

Edwein 24:4

Sana sona bɔ ye bra te sannwuu, ná ye ahone nu koso te, bɔ ye kra nye ngye ngondombo nwo, ná ɔnda ngondombo ndaen ɔ.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Anyandera 20:7

Teneneeniɛ ye bra te sannwuu, na ye mma konya saleɛ wɔ ye si.

Anyandera 28:18

Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Yesaya 63:8

Ofikyɛ ɔnwa: ‘Nahorɛ nu, bɛte me maen, mmaa bɔ bɛngɔpɛ ngondombo ɔ,’ na ɔyɛle bɛ Ngoadefoɛ.

Mika 2:7

Ao Yakob boso ama, aso odi kyɛ bɛkã kyɛ, AWURADE Sunzum ne, aso olle aboterɛ anaa? Aso ye sa noa adwuma ɛhe? Aso me dwirɛ onziezie sona bɔ ye bra tengyɛ ɔ?

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Asomafoɛ 10:35

na mmom maen biala nu, ebiala bɔ osuro ye, ná ɔyɔ bɔ ɔtengyɛ ne, ode ye to nu.

Romanfoɛ 2:10

Na Nyameɛ kɔma bɛ bɔ bɛyɔ paa mukoraa animnyam, anidie ne asomdwee. Yudafoɛ yeɛ beli moa ɔ, yeɛ Helafoɛ toa berɛ ɔ.

Galatiafoɛ 2:14

Na nwuni kyɛ bakwati nahorɛ bɔ ɔwɔ nzɛmba ne anu nen, nzele Petro wɔ bɛ mukoraa bɛ nyunu kyɛ, “Sɛ wɔ bɔ ɛte Yudaniɛ ɛbɔ wɔ bra kyɛ Amaenmaensoniɛ, na ɛnyɛ kyɛ Yudaniɛ a, nzu ati yeɛ ɛhyɛ Amaenmaensofoɛ kyengyekyengye maa bɛbɔ bɛ bra kyɛ Yudafoɛ ɔ?”

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Kolosefoɛ 3:9

Nnɛma ɛmɔpepɛ ngondombo bekyirekyire ɛmɔ nwo, ofikyɛ ɛmɔagyi ɛmɔ suban daa ne, ɔne ye yɔleɛ tɛɛ ne bagua,

Hebrifoɛ 11:33

Bɛ yeɛ ɔnate gyidie so bɛhone belili ahennie ahoroɔ so ngonim ɔ, begyinane bɛmane tenenee, bɛ sa hane bɔhyɛ mɔ, bɛhane gyata mɔ noa bɛtole nu;

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 2:6

Na ebiala bɔ ɔnwa ɔne Nyameɛ atira abiɛngoɛ nen, odi kyɛ ye koso ɔbɔ ye bra kyɛbɔ Kristo bɔle ye deɛ ne.

1 Yohane 3:7

Me ngwadaa mɔ, nnɛmɔma ebiala lakalaka ɛmɔ. Ebiala bɔ ɔyɔ bɔ ɔtengyɛ ne, ɔte tenenee kyɛbɔ Kristo te tenenee ne.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”