Edwein 149:4 - AHYERƐLƐ KRONGRON

⁴ Ofikyɛ AWURADE nye gye ye maen nwo, na ɔfa ngoalelɛ ɔbɔ anwobrɛaseɛfoɛ abotire.

Edwein 149:4 Iomraidhean Croise

Edwein 117:2

Ofikyɛ ye ɔdɔ bɔ onni ngasi bɔ ole ye ma yɛ ne, ɔte piri, na AWURADE nahorɛlilɛ ne ɔwɔ berɛ afebɔɔ. Ɛ́mɔye AWURADE ayɛ!

Edwein 132:16

Ye asɔfo mɔ, ngɔfa ngoalelɛ ngɔhera bɛ, na ye teneneefoɛ bɛkɔfa ahurusi bɛkɔbɔ ese.

Edwein 147:11

na mmom AWURADE nye gye bɛ bɔ besuro ye ɔ nwo, bɛ bɔ bɛfa bɛ nwo bɛto ye ɔdɔ bɔ onni ngasi ne aso ne.

Edwein 22:8

“Ɔfa ye nwo to AWURADE so; maa ɔpepɛ ole ye e; maa ɔpepɛ ole ye, ofikyɛ ɔla ye ahone nwo.”

Edwein 35:27

Bɛ bɔ bɛ kunu a ahaa babua me be ne, maa bɛbɔ ese beli ahurusi ná bɛ nye gye, ná bɛhã ye daa kyɛ, AWURADE te piri, na ye nye gye ye somvoɛ ye yeeyɛlɛ nwo.”

Edwein 90:17

Mesrɛ kyɛ AWURADE yɛ Nyameɛ adom ne ɔbra yɛ so, ma yɛ sa noa adwuma ɔ́yɛ yee ɔ́ma yɛ. Ao, ma yɛ sa noa nnwumaa ɔ́yɛ yee!

Anyandera 11:20

Bɛ bɔ bɛte kanda ne, bɛte AWURADE akyiwadeɛ, nakoso bɛ bɔ bɛ bra te sannwuu ne de, bɛsɔ ye nye.

Edwein Nu Dwein 1:11

Yɛkɔyɔ sikaa kɔkorɛ asomade bɔ ɛdwetɛ tuatua nu ɔ yɛkɔma wɔ.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yeremia 32:41

Amba, ngoli bɛ nwo ahurusi kyɛ ngɔyɛ bɛ paa ɔ, na ngɔfa m’ahone amukoraa ne me kra amukoraa ngolua bɛ maa bɛ bo kotimu wɔ aseɛ he aso.

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Hebrifoɛ 12:10

Bɛ de, bɛteane yɛ mmerɛ kãa bie anu, kyɛbɔ bɛnea a ɔte paa ma bɛ ɔ; nakoso Nyameɛ de, yɛ yeeyɛlɛ ti yeɛ ɔtea yɛ ɔ, amaa ɔnate so yanya kyɛfa wɔ ye krongronyɛlɛ ne anu.

1 Petro 3:4

na mmom ɛ́mɔma ɔyɛ ahone nu nikyee bɔ anyeɛ nnwu ye, sunzum bɔ odwo, ɔbrɛ ye nwo ase, nikyee bɔ ɔmborɔ, bɔ ɔte nikyee nyɔboɛserɛ wɔ Nyameɛ nyunu ɔ.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.