Edwein 148:8 - AHYERƐLƐ KRONGRON

⁸ see ne asukɔtwea nyɔboɛ, asukɔtwea ne ɛborɔ, mvrama bɔ otu serɛserɛ di Nyameɛ ahyɛdeɛ so ɔ,

Edwein 148:8 Iomraidhean Croise

Gyenesise 19:24

Na afei AWURADE tɔle sɔfe ne see fili anwuro guale Sodom ne Gomora so.

YOB NWOMAA NE 37:12

Kyɛbɔ wahyehyɛ wama munungum nemɔ ne, sɔ ala yeɛ bekyinikyini bɛpɛ bɛ nwo ɔ, na bɛyɔ bɔ wahyɛ bɛ kyɛ bɛyɔ biala, wɔ aseɛ so nekaa biala.

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Edwein 18:12

Kanea hyireinn bɔ oli ye nyunu ne, asukɔtwea kungumaboɔ ne see gonn fili nu bɔ wurale ye munungum ne anu.

Ɛksadɔso 10:13

Yiti Mose mane ye pɔmaa ne aso hyirele Misraim aseɛ ne. Na AWURADE mane eyia afiteleɛ mvrama tuli aseɛ ne aso sɔ kyẽa ne eyia ne kɔngɔen amukoraa. Na aleɛ hyene ngyerɛmɔ nen, né eyia afiteleɛ mvrama ne afa mmɛbɛ nemɔ wawa.

Ɛksadɔso 10:19

Na AWURADE mane eyia atɔleɛ mvrama piri bie tuli, na opiane mmɛbɛ nemɔ ooguale Ɛpo Kɔkorɛ nu. Abɛbɛ ko po anga berɛ wɔ Misraim aseɛ so nekaa biala.

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Yesaya 66:16

Ofikyɛ AWURADE kɔfa see ne ye ngrandɛ yeɛ okobua anwoɔnaen mukoraa ndɛen ɔ, na bɛ bɔ AWURADE kohũ bɛ ne, bɛkɔsone pee.

Yoel 2:30

Ngɔyɔ anwanwadeɛ wɔ anwuro ne aseɛ so, mogya ne see ne nwosina ningɔnn.

Lewitikɔso 10:2

See fili AWURADE berɛ ɔɔyerale bɛ ná bɛtotɔle wɔ AWURADE nyunu.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Amose 7:4

Ɛhe yeɛ AWURADE Nyameɛ ye hyirele me ɔ: Tie, AWURADE Nyameɛ fale see kyɛ ɔbaafa bua ndɛen. Ɔyerale buma piri ne, na ɔyerale aseɛ nekaa bie koso.

Yona 1:4

Nakoso AWURADE somane mvrama bie bɔ ye noa yɛ hye ɔ maa otu fale ɛpo ne aso, na mvrama piri tu fale ɛpo ne aso, bɔ né ɛlɛen ne ɔpena odwudwa ɔ.

Yona 1:5

Afei né ɛlɛenhanɛfoɛ nemɔ besuro. Yiti bɛ nu biala sũ frɛle ye nyameɛ, na befindini ɛlɛen ne anu nningyein beguale ɛpo ne anu, kyɛbɔ ɔkɔmaa ɛlɛen ne anu kɔyɛ nyera ɔ. Nakoso Yona de, né wadwu wahɔ ɛlɛen ne akunu dɔ paa waala hatee.

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Nyekyire 16:21

Na afei asukɔtwea mbiri mbiri bɔ ebiala nu nonɛ kɔyɛ kilo aburanna ne nnu ɔ, befili nyameɛso bɛtɔ beguale mmenia so; na ɛhawo bɔ asukɔtwea ne maa ɔwale ne ati, mmenia kekane musue dwirɛ betiale Nyameɛ, ofikyɛ né ɛhawo ne te piri paa.