Edwein 148:14 - AHYERƐLƐ KRONGRON

¹⁴ Wama ye maen anya anwoserɛ, amaa ɔnate so ye anwoteefoɛ amukoraa baye ye ayɛ, Yisraelfoɛ bɔ bɛ yeɛ bɛte mmenia bɔ bepingye ye ne. Ɛ́mɔye AWURADE ayɛ!

Edwein 148:14 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 145:10

Ao AWURADE, wɔ sa noa nnwumaa amukoraa bɛda wɔ ase, yeɛ w’anwoteefoɛ amukoraa bɛye wɔ ayɛ.

Edwein 149:9

ná bafa ndɛenbualɛ bɔ bahyerɛ bato berɛ ne babua bɛ ndɛen. Ɛhe te animnyam ma AWURADE anwoteefoɛ amukoraa. Ɛ́mɔye AWURADE ayɛ!

Edwein 75:10

Ngotu bɔnefoɛ b’anwoserɛ amukoraa bo, nakoso teneneefoɛ b’anwoserɛ de, ɔkɔhɔ anwuro.

Edwein 89:17

Wɔ yeɛ ɛte b’anwoserɛ animnyam ɔ, na w’adom yeɛ ɔmaa yɛdi ngonim ɔ.

Edwein 89:18

Ofikyɛ AWURADE yeɛ ɔte y’akokyɛm ɔ, Yisrael Krongronniɛ ne yeɛ ɔte yɛ Hene ɔ.

Edwein 92:10

Nakoso amaa manya anwoserɛ kyɛ torɔen, na ahwie ngoo foforɛ agua me so.

Yeremia 17:14

Ao AWURADE, sa me anwonyerɛ, na ngɔte apɔ; pepɛ de me, na ngonya ngoa, ofikyɛ wɔ yeɛ ɛte m’ayɛyelɛ ɔ.

Luka 1:52

Watu tumifoɛ mɔ wafi b’ahennie bia so, na wapagya awiɛmvoɛ mɔ so.

Luka 2:32

kanea bɔ ɔkɔla wɔ ali kohyire Amaenmaensofoɛ ɔ bɔ ɔte wɔ maen Yisrael animnyam ne.”

Ɛfesofoɛ 2:13

Nakoso afei de, Kristo nu, ɛmɔ bɔ ahaa né ɛmɔwɔ dedeede ne, ɛmɔafa Kristo mogya ne aso bapingye.

Ɛfesofoɛ 2:17

Na ɔwale ɔɔbɔle asomdwee nwo dawure hyirele ɛmɔ bɔ né ɛmɔwɔ dedeede ne, ɔne bɛ bɔ bepingye ne;

Ɛfesofoɛ 2:19

Yiti afei de, ɛmɔtte ɛwɔfoɛ ne amanvrafoɛ ko, na mmom ɛmɔ ne anwoteefoɛ nemɔ bɛte maen mmaa ne Nyameɛ awuro ama.

Deuteronomi 10:21

Ye yeɛ ɔfata w’ayɛyelɛ ɔ; ye yeɛ ɔte wɔ Nyameɛ bɔ wayɔ nningyein mbiri mbiri ne anwanwadeɛ nningyein hemɔ wama wɔ ɔ, nningyein bɔ wɔ nye tua ye.

Deuteronomi 4:7

Aso maen titire foforɛ bie wɔ berɛ, bɔ ole nyameɛ bie bɔ opingye ye mmenia te kyɛ AWURADE yɛ Nyameɛ si pingye yɛ ɔ, bɔ otie yɛ mmerɛ biala bɔ yɛkosu yɛkɔfrɛ ye ɔ?

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Samuel 2:1

Afei Hana bɔle mbaeɛ kyɛ, “Me wora akyekye wɔ AWURADE nu; AWURADE nu yeɛ m’anwoserɛ wɔ ɔ. Mesere me pɔfoɛ mɔ, me nye gye, ofikyɛ ali ngonim ama me.