Edwein 147:8 - AHYERƐLƐ KRONGRON

⁸ Ye yeɛ ɔfa munungum kata ewienu ɔ, ɔboaboa esue noa maa ɔtɔ gua aseɛ so, na ɔma ndire fifi mmokaa so.

Edwein 147:8 Iomraidhean Croise

Gyenesise 9:14

Na sɛ esue muna wɔ aseɛ so na nyangondoen to wɔ munungum ne anu a,

YOB NWOMAA NE 5:10

Ye bɔ ɔma esue tɔ gua aseɛ so, ná oguagua fieso so nzue ne,

Edwein 135:1

Ɛ́mɔye AWURADE ayɛ! Ɛ́mɔye AWURADE dumaa ne ayɛ! O AWURADE somvoɛ mɔ, ɛ́mɔye ye ayɛ,

Anyandera 27:25

Sɛ bɛpɛ ɛserɛ, ná foforɛ fifi, ná bɛpɛ mmokaa nemɔ aso ndire bɛboaboa ye noa besie a,

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yoel 2:23

Ɛmɔ, Sion mma mɔ, ɛ́mɔma ɛmɔ nye gye, ná ɛmɔli AWURADE ɛmɔ Nyameɛ nu ahurusi, ofikyɛ wama asuso atikye wama ɛmɔ wɔ mmerɛ bɔ ɔsɛ ɔ nu, na wama bamborɔ watɔ wama ɛmɔ, asuso ɔne bamborɔ kyɛ daa ne ala.

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”