Edwein 147:2 - AHYERƐLƐ KRONGRON

² AWURADE yeɛ ɔkyekye Yerusalem ɔ, na Yisraelfoɛ bɔ bahye bɛ nnure bahɔ ne, ɔboaboa bɛ noa.

Edwein 147:2 Iomraidhean Croise

Nehemia 6:15

Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.

Nehemia 6:16

Na yɛ pɔfoɛ nemɔ amukoraa bɛtele nen, maen maen amukoraa bɔ bapɛ yɛ nwo bayia ne, esuronyi tɔle bɛ so, na bɛ nyunu guale ase paa. Ofikyɛ benwuni kyɛ yɛ Nyameɛ yeɛ waboka maa yayɔ sɔ adwuma he ɔ.

Nehemia 7:4

Né kuro ne ɔtrɛ, yeɛ ɔte piri, nakoso nu mmenia ne banzo, yeɛ afei né bennya bessisili sua mɔ wɔ nu.

Edwein 102:17

Okotie sona bɔ olle bie ɔ ye mbaeɛ, ná ɔngɔpo bɛ mbaeɛ.

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Yesaya 14:32

Ɛbɔfoɛ mɔ bɔ befi sɔ maen ne aso ne, nzikyɛ mmuayɛɛ yeɛ bɛkɔfa bɛkɔma bɛ ɔ? Yɛkobua kyɛ, ‘AWURADE akyekye Sion, na ye maen ne anu mmenia bɔ bɛyɛ anwumvo ne, bɛkɔbɔ bɛ nwo adwaa wɔ nu.’

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yesaya 56:8

AWURADE Nyameɛ bɔ ɔboaboa Yisrael mmenia bɔ babɔ aya noa ne, ɔnwa nyoo: “Mmenia bɔ maboaboa bɛ noa mama ye ne, ngɔhɔ so ngɔboaboa ebieku noa ngɔboka ye so.”

Yesaya 62:7

Nnɛmɔma ode ye nwome kɔpem kyɛ okosa kɔkyekye Yerusalem, ɔne kyɛ ɔkɔfa ye kɔyɛ kuro bɔ bɛkamvo ye wɔ aseɛ so amukoraa ɔ.

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Yeremia 31:4

Ao Yisrael ababunu, ngosa ngɔma wɔ bo kotimu, na wɔ bo kotimu. Ekosa kɔfa w’akasaa ne kosiesie wɔ nwo, na ɛkɔfa ahurusililɛfoɛ b’abilie kosi nu kɔhɔ.

Yeremia 32:37

Tie, ngɔboaboa bɛ noa ngofi maen maen amukoraa bɔ nne ɛyaa, ahonehulɛ ne anyeborolɛ kandinga mvoane bɛ ngonguale so ne aso. Ngosa ngɔfa bɛ ngɔwa wa, na ngɔmaa bɛkɔtena anwotɔ nu.

Hesekiel 38:8

Na ngyẽa pee asi ne, wɔ sa kɔhã tumi. Na afoɛ bɔ oli nziɛ nemɔ anu, ɛkɔɔfa koɛ kɔtoa maen bɔ wanya ye anwotɔ wafi ngrandɛ noa ne, maen bɔ maboaboa so ama noa wɔ Yisrael mmokaa so mafi maen maen pee so ne, mmokaa bɔ né bɛlela berɛ mbaen ne. Maen maen mɔ nu yeɛ mvale so ama mvili ɔ, na bɛ mukoraa bɛ so anu atɔ bɛ wɔ berɛ.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Mika 4:6

Na sɔ kyẽa ne, ngɔboaboa mmubuafoɛ mɔ noa, na ngɔboaboa bɛ bɔ bapɛ bɛ asue mɔ noa, ɔne bɛ bɔ mafa bɛ mafa yealɛ nu ɔ bɛ noa, AWURADE noa dwirɛ ɛne.

Sakaria 8:7

Asafo AWURADE nwa nyoo: Tie, ngɔpepɛ ngole me maen ngofi eyia afiteleɛ maen ne sa nu, ɔne eyia atɔleɛ maen ne sa nu;

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Deuteronomi 30:3

ye de AWURADE wɔ Nyameɛ kɔye wɔ kofi nnurehyelɛ nu, okonwu wɔ anwumvoin, na maen maen bɔ AWURADE wɔ Nyameɛ wamaa abɔ aya wɔ so ne, okosa kɔboaboa wɔ noa kofi ye mukoraati so.