Edwein 147:10 - AHYERƐLƐ KRONGRON

¹⁰ Nna pɔngɔ anwoserɛ yeɛ ye nye gye ye nwo ɔ, yeɛ nna sona amirika yeɛ ɔsɔ ye nye ɔ;

Edwein 147:10 Iomraidhean Croise

2 Samuel 1:23

“Sɔɔlo ne Yonatan, anwonyemenefoɛ bɔ mmenia kuro bɛ dwirɛ ɔ! Bɛ ngoa nu oo, bɛ wue nu oo, b’afia andete. Né bɛ nwo yɛ nyera tra kɔleɛ, bɛ nwo yɛ se tra gyata.

YOB NWOMAA NE 39:11

Aso ye anwoserɛ ti ɛkɔfa wɔ wora kowura ye nu, anaa ɛkɔyakyi w’adwuma kowura ye sa kyɛ ɔyɔ?

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Anyandera 21:31

Besiesie pɔngɔ bɛfa bɛnwondɛ koɛ kyẽa, nakoso ngonimlilɛ de, ɔwɔ AWURADE sa nu.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”