Edwein 146:4 - AHYERƐLƐ KRONGRON

⁴ Sɛ sona nwomeɛ fi ye nu a, sona sa kɔ ye nnɛterɛ nu; sɔ kyẽa ne ala, ye nhyehyɛleɛ ye bo pɛ.

Edwein 146:4 Iomraidhean Croise

Gyenesise 2:7

Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ.

Gyenesise 3:19

Mvifire kosongyi wɔ ti anwo koraka né anya aleɛ ali, kɔpem kyɛ ekosa kɔhɔ nnɛterɛ nu ɔ; ofikyɛ nnɛterɛ nu yeɛ nyele wɔ mvili ɔ, ɛte nnɛterɛ, na nnɛterɛ nu ala yeɛ ekosa kɔhɔ ɔ.”

Gyenesise 6:17

Tie, ngɔma nzueyilɛ kɔwa aseɛ so kɔɔsɛkye anwoɔnaen biala bɔ owura ewienu bo bɔ ngoa nwomeɛ wɔ ye nu; na nikyee biala bɔ ɔwɔ aseɛ so kowu.

YOB NWOMAA NE 14:10

Nakoso dasaniɛ de, owu a, ɔda berɛ bɔ ɔngekã ye nwo ɔ, sɛ sona ka nu a, né ɔwɔ nisua?

YOB NWOMAA NE 14:21

Sɛ ye mma mɔ benya animnyam po a, ɔnze, yeɛ sɛ mmenia gua bɛ nyunu ase koso a, onnwu ye.

YOB NWOMAA NE 17:1

Me kra nwo ato, ewue apingye me, asieleɛ la berɛ ɔnwondɛ me.

YOB NWOMAA NE 17:11

Ewue apingye me; me nzusuleɛ ayɛ mbaen, yeɛ bɔ ɔla m’ahone nwo bɔ mepena ne koso, wayɛ mbaen.

YOB NWOMAA NE 27:3

kyɛbɔ ndɛ te ngoa nu ye, bɔ Nyameɛ nwomeɛ tɛwɔ me nu ye de,

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Edwein 90:3

Esa ma dasaniɛ kakyi mvuture, na ɛkã kyɛ, “Adasa mmaa, ɛmɔsa bɛbra ɛmɔ mvuture nu.”

Nworɛ Dwirɛhanɛniɛ 12:7

koraka né nnɛterɛ asa ahɔ nnɛterɛ nu kyɛbɔ né ɔte daa ne ala, koraka né nwomeɛ wasa wahɔ Nyameɛ bɔ ɔfa mane ne berɛ.

Nworɛ Dwirɛhanɛniɛ 9:6

Ɔdɔ bɔ benyane ye oo, ɛpɔen bɔ bɛpɔle oo, b’anyeboro oo, watu wamini dadadada, na nikyee biala bɔ ɔkɔ so wɔ wiase ne, belle kyɛfa biala wɔ nu ko.

Yesaya 2:22

Kuro sona bɔ ode nwomeɛ fa ye bonyi anu ne, nnɛma ɛmɔfa bɛ nwo bɛto ye so. Kuro sona te nzu?

Awuye 4:20

Yɛ ngoa nwomeɛ, bɔ yeɛ ole bɔ AWURADE apopa ye ngoo ne, bɛhyele ye wɔ bɛ kumaa nemɔ anu. Ye yeɛ yɛhã yɛfale ye nwo kyɛ, “Ye fɔnwoo ne abo, yeɛ yɛkɔtena wɔ Amaenmaensofoɛ nemɔ anu ɔ.”

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

1 Korintofoɛ 2:6

Nakoso nworɛ dwirɛ yeɛ yɛkã yɛkyire bɛ bɔ banyi sunzum nu ɔ. Ɔtte wiase he anu nworɛ, yeɛ ɔtte wiase atumifoɛ deɛ bɔ ɔpɛ nu kɔ ne bie.