Edwein 146:3 - AHYERƐLƐ KRONGRON

³ Nnɛma ɛmɔfa ɛmɔ wora bewura ahemvo mɔ nu, yeɛ nnɛma ɛmɔfa wora bewura adasa mmaa bɔ mmokalɛ biala mvi bɛ berɛ mma ɔ, bɛ nu.

Edwein 146:3 Iomraidhean Croise

2 Ahemvo 6:27

Na obuale kyɛ, “Sɛ AWURADE ammoka wɔ a, nisua yeɛ mekwaanya mmokalɛ mefa meboka wɔ ɔ: nekaa bɔ bɛboro aburoo anaa nekaa bɔ betwi nzaa hɔ anaa?”

2 Aberɛso Dwirɛ 16:7

Sɔ mmerɛ ne, Hanani bɔ ɔte sona bɔ ɔse ase ne, ɔhɔle Yuda hene Asa berɛ oosele ye kyɛ, “Ɔnate kyɛ afa wɔ nwo ato Siria hene so, na amva wɔ nwo ando AWURADE wɔ Nyameɛ so ne ati, ngonim bɔ ahaa ekoli ye wɔ Siria hene koɛhonɛfoɛ nemɔ aso ne, wabɔ wɔ.

Edwein 108:12

Ao, boka yɛ de yɛ fi amaneɛ nu, ofikyɛ kuro sona mmokalɛ te mbaen!

Edwein 60:11

Ao, boka yɛ de yɛ fi amaneɛ nu, ofikyɛ kuro sona mmokalɛ te mbaen!

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Yesaya 2:22

Kuro sona bɔ ode nwomeɛ fa ye bonyi anu ne, nnɛma ɛmɔfa bɛ nwo bɛto ye so. Kuro sona te nzu?

Yesaya 22:25

Asafo AWURADE nwa nyoo, sɔ kyẽa ne, pɛmbɛen bɔ omi nekaa bɔ berɛ yɛ se ne, ye bo kɔyɛ gɔhɔgɔhɔ, bɛkɔpɛ maa ɔkɔtɔ ase, na adesoa bɔ osinze so ne kɔsɛkye, ofikyɛ AWURADE noa dwirɛ ɛne.”

Yesaya 31:3

Misraimfoɛ bɛte mmenia oo, na bɛtte Nyameɛ; bɛ mbɔngɔ nemɔ bɛte anwoɔnaen, na bɛtte sunzum. Sɛ AWURADE tengyɛ ye sa a, bokafoɛ ne kosoti, yeɛ bɔ bokafoɛ ne boka ye ne koso, okofi ase, na bɛ mukoraa bekowu bɛkɔbɔ nu.

Yesaya 37:6

Yesaya sele bɛ kyɛ, “Ɛmɔhã behyire ɛmɔ mene kyɛ, ‘AWURADE nwa: Musue dwirɛ bɔ Asiria hene ye mbanyi mɔ bahã batia me maa ate ne, nnɛmaa wɔ kunu tete wɔ wɔ ye nwo.