Edwein 143:8 - AHYERƐLƐ KRONGRON

⁸ Maa nde wɔ ɔdɔ bɔ onni ngasi ne nga ngyerɛmɔ, ofikyɛ wɔ yeɛ mefa me wora mewura wɔ nu ɔ. Maa nwu atee bɔ mva so ɔ; ofikyɛ wɔ yeɛ mepagya me kra mekyire wɔ ɔ.

Edwein 143:8 Iomraidhean Croise

Edwein 119:34

Ma me nimdeɛ, amaa ɔnate so mali wɔ mmeraa ne aso, na ngɔfa m’ahone amukoraa ngoli so.

Edwein 119:73

Wɔ sa yeɛ ɛfa bɔle me ná esiesiele me ɔ; ma me ndeaseɛ maa mva nzua wɔ mmeraa dwirɛ ne.

Edwein 143:10

Kyirekyire me maa nyɔ w’apɛdeɛ, ofikyɛ wɔ yeɛ ɛte me Nyameɛ ɔ. Ma wɔ Sunzum paa ne oli me nyunu, maa ɔfa me fa atimbire frɛtɛɛ so.

Edwein 25:20

Ao, bɔ me kra nwo waen ná pepɛ de me; nnɛma me nyunu gua ase, ofikyɛ wɔ yeɛ menwati mebafea wɔ nu ɔ.

Edwein 27:11

Ao AWURADE, kyire me w’atee ne, ná fa me fa atimbire frɛtɛɛ so, ɔnate me pɔfoɛ mɔ ati.

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 32:8

(AWURADE nwa nyoo): Ngohyirehyire wɔ ná mahyire wɔ atee bɔ ɛfa so ɔ; me nye wɔ wɔ so, na ngotu wɔ foɛ.

Edwein 42:8

AWURADE ye ɔdɔ bɔ onni ngasi ne, ɔye ye ali eyia, na kɔngɔen meto ye dwein mefa mebɔ mbaeɛ mekyire Nyameɛ bɔ otira me ngoa nyamaa nu ɔ.

Edwein 46:5

Nyameɛ wɔ kuro ne afia, yiti bɛngɔhora so ngonim di; Nyameɛ kofi ngyerɛmɔ tutuutu kɔboka ye ndɛndɛ.

Edwein 5:8

Ao AWURADE, ɔnate me pɔfoɛ mɔ ati, fa wɔ tenenee ne kyire me atee; ma w’atee ne ɔla me nyunu turoloo.

Edwein 59:16

Nakoso me de, ngɔto w’anwoserɛ nwo dwein; na ngyerɛmɔ ngɔto wɔ ɔdɔ bɔ onni ngasi ne anwo dwein. Ofikyɛ wɔ yeɛ ɛte m’anwoserɛ afealeɛ ne m’amaneɛnwunɛ kyẽa nu afealeɛ ɔ.

Edwein 86:4

Ma wɔ somvoɛ ye kra nye gye, ofikyɛ ao AWURADE, wɔ yeɛ mema me kra sũ frɛ wɔ ɔ.

Edwein 90:14

Wɔ ɔdɔ bɔ onni ngasi ne, maa obu so ma yɛ ngyerɛmɔ, amaa ɔnate so yali ahurusi ná yɛ nye agye wɔ yɛ ngyẽa amukoraa nu.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yesaya 48:17

AWURADE, wɔ Defoɛ, Yisrael Krongronniɛ ne, ɔnwa nyoo: “Me ole AWURADE, wɔ Nyameɛ, bɔ ɔte paa ma wɔ ne, me yeɛ mekyirekyire wɔ ɔ, atee bɔ odi kyɛ ɛfa so ne, me yeɛ mefa wɔ mefa so ɔ.

Awuye 3:41

Ɛ́mɔma yɛfi y’ahone nu yɛma yɛ sa so yɛbɔ mbaeɛ yɛhyire Nyameɛ wɔ nyameɛso kyɛ,

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Maenbulɛfoɛ 13:12

Yeɛ Manoa bisale kyɛ, “Sɛ wɔ dwirɛ ne ba nu a, nzikyɛ nhyehyɛleɛ yeɛ ɔfa akwadaa ne anwo ɔ? Nzikyɛ yeɛ odi kyɛ ɔyɔ ɔ?

1 Samuel 23:12

Yeɛ Dawide bisale kyɛ, “Aso Keilafoɛ kɔfa me ne me mmenia nemɔ bekowura Sɔɔlo sa anaa?” Na AWURADE buale kyɛ, “Yoo, bɛkɔye ɛmɔ bɛkɔma ye.”