Edwein 143:7 - AHYERƐLƐ KRONGRON

⁷ Ao AWURADE, yɛ ndɛ bua me; me sunzum wora abɔ. Nnɛye wɔ nye fea me; ɔba ye sɔ a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 143:7 Iomraidhean Croise

Edwein 102:2

Nnɛye wɔ nye fea me wɔ m’amaneɛnwunɛ mmerɛ nu. Yɛ asoɛ tie me; sɛ mesu mefrɛ wɔ a, bua me ndɛndɛ.

Edwein 22:24

Ofikyɛ amaneɛnwunɛniɛ ne, ye amaneɛ ne, wammu ye nye wangua so, yeɛ wanye ye nye wamvea ye, na mmom osũ frɛle ye ne, otiele ye sufrɛ.

Edwein 27:9

Nnɛye wɔ nye fea me, nnɛfɛ yaa foa w’akoaa, na wɔ yeɛ ɛte me bokafoɛ ɔ. Nnɛpo me, yeɛ nnɛyakyi me nu, ao Nyameɛ, me ngoadefoɛ!

Edwein 28:1

Ao AWURADE, wɔ yeɛ mesu mefrɛ wɔ ɔ, me nyɔbotaen, nnɛtuatua wɔ so bɔ ɛngɔtɛ me so ɔ, ofikyɛ sɛ andɛ me so a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 40:17

Meyɛ anwumvo, yeɛ nde hianiɛ de, nakoso AWURADE dwene me nwo. Wɔ yeɛ ɛte me bokafoɛ ne me defoɛ ɔ; ao me Nyameɛ, nnɛkyɛ.

Edwein 69:17

Nnɛye wɔ nye fea wɔ somvoɛ, ofikyɛ edwirɛ ato me, yiti yɛ ndɛ bua me.

Edwein 69:18

Twe pingye me kra, pepɛ de me, me pɔfoɛ mɔ ati, maa nya me nwo ndete.

Edwein 69:3

Masu dee mayɛ mmerɛ; me komvi ayɛ wosee. Manea me Nyameɛ ate alaa ama me nye ape atee bo.

Edwein 70:5

Nakoso wahia me, yeɛ meyɛ anwumvo. Ao Nyameɛ, yɛ ndɛ bra me berɛ! Wɔ yeɛ ɛte me bokafoɛ ne me defoɛ ɔ; Ao AWURADE, nnɛkyɛ!

Edwein 71:12

Ao Nyameɛ, nnɛyakyi me nu, ao me Nyameɛ, yɛ ndɛ baaboka me!

Edwein 84:2

Amba, me kra tena a ɔndena, na ye wora dɔ AWURADE awuro aluo berɛ ne; m’ahone ne me nwonaen bɛto Nyameɛ teasefoɛ ne anwo anigye dwein.

Anyandera 13:12

Sɛ w’anyelasoɛ wɔ nikyee bie anwo ɔkyɛ a, ɔmaa ɛboto, nakoso bɔ wɔ nye la so ne ɔba nu a, ɔte ngoa bakaa.

Yesaya 38:18

Ɔnate kyɛ ɛborɔ ngɔhora ngɔla wɔ ase, ewue ngɔhora ngɔye wɔ ayɛ, bɛ bɔ bahɔ ewue kumaa nu ne, bɛngɔhora bengonya wɔ nahorɛlilɛ ne nwo anyelasoɛ.

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yesaya 8:17

AWURADE bɔ waye ye nye wato buro wafea Yakob boso ama ne, ngɔfa me wora ngowura ye nu, ngɔpena ye si atee.

Luka 21:26

Na ahunundetelɛ, ɔne nningyein bɔ bɛnea a ɔbaasisi wiase ne, ɔkɔma mmenia nye so koburu bɛ; ofikyɛ bɛkɔwoso anwuro tumi mɔ.