Edwein 143:6 - AHYERƐLƐ KRONGRON

⁶ Metrɛ me sa nu mekyire wɔ; wɔ nwo nzuhɔen ku me kra kyɛ aseɛ bɔ wayɛ wosee ɔ. Sela

Edwein 143:6 Iomraidhean Croise

YOB NWOMAA NE 11:13

“Sɛ ɛma wɔ bra yɛ sannwuu a, yeɛ ɛkɔfa w’abisadeɛ ɛkɔto ye nyunu ɔ.

YOB NWOMAA NE 7:2

Ɔte kyɛ kanganiɛ bɔ ɔpena fɔnwoo nu tena ɔ, ɔte kyɛ paaniɛ bɔ ɔnwondɛ ye akatuaa ɔ.

Edwein 42:3

Me nye moen yeɛ wakakyi m’aleɛ eyia ne kɔngɔen ɔ; daa biala mmenia bisa me kyɛ, “Wɔ Nyameɛ ne, ɔwɔ nisua?”

Edwein 44:20

Sɛ yɛ wora afi yɛ Nyameɛ dumaa a, anaa sɛ yatrɛtrɛ yɛ sa nu yasɔne nyameɛ foforɛ bie po a,

Edwein 63:1

Ao Nyameɛ, wɔ yeɛ ɛte me Nyameɛ ɔ, mepena wɔ serɛserɛ; me kra wora adɔ wɔ, me nwonaen ayɛ hodwoo ɔpena wɔ kyɛ aseɛ wosee katerepee bɔ ɔpena nzue ɔ.

Edwein 84:2

Amba, me kra tena a ɔndena, na ye wora dɔ AWURADE awuro aluo berɛ ne; m’ahone ne me nwonaen bɛto Nyameɛ teasefoɛ ne anwo anigye dwein.

Edwein 88:10

Aso ɛyɔ anwanwadeɛ ma awufoɛ? Aso awufoɛ bɛkora bedwɔso bɛye wɔ ayɛ anaa? Sela

Edwein 88:9

Aworabɔlɛ ama me nye mmaa apakye. Ao AWURADE, daa mesu mefrɛ wɔ; metrɛ me sa nu mebɔ mbaeɛ mekyire wɔ.

Ɛksadɔso 9:29

Na Mose sele ye kyɛ, “Sɛ mefi kuro ye anu mefite pɛ a, ngɔtrɛ me sa nu ngɔsrɛ AWURADE, na agralaa ne kɔyakyi, yeɛ asukɔtwea nyɔboɛ ne koso ngɔte ngogua ko, amaa ɔnate so anwu ye kyɛ aseɛ ye te AWURADE deɛ.

Yesaya 35:7

anweaa futuu hyerɛhyerɛ kɔkakyi ɛkwaa, mbombonzue kopu kofi aseɛ katerepee so, na ɛserɛ so kyea ye atenaleɛ bɔ ɔda berɛ ne, nzenzaen ne elemmire ne ngyɛngyɛma kofifi berɛ.

Yohane 7:37

Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo.